weather 1° Маладзечна
weather 1° Вілейка
weather 0° Смаргонь
weather 1° Ашмяны
weather -1° Валожын
weather 1° Мядзел
weather 0° Астравец
Падпіска
на друкаванае выданне
1 еўра 2.4377
1 долар 2.1564
100 рас.руб. 3.2572
15.10.2009 15:23 ,

Запрашаем на кірмаш!

Восеньскі кірмаш пройдзе ў Астраўцы ў суботу, 17 кастрычніка. А яшчэ ў лесапарку ў гэты дзень будзе праводзіцца конкурс на лепшы падворак. Сваю прадукцыю на кірмаш, які пачнецца а 8 гадзіне раніцы і пройдзе на гарадскім стадыёне, прывязуць не толькі гаспадаркі з Астраўца.

Як паведаміла ў інтэрв’ю “РГ” дырэктар Астравецкага раённага метадычнага цэнтра Вольга Турубарава, будуць і кілбасы Ашмянскага мясакамбіната. А жывую рыбу будзе прадаваць рыбгас “Солы”. – На кірмашы акрамя бульбы і капусты, – расказвае Вольга Турубарава, – будуць мяса, паўфабрыкаты.

Запрасілі мы і наш гандаль, які прапануе шашлыкі і кандытарскія вырабы. Канешне, гародніна прадаецца хутчэй, чым мяса, але гандляваць будуць да таго часу, пакуль усё не раскупяць. Ужо ў 10 гадзін раніцы ў лесапарку пачнецца конкурс на лепшы падворак. Восем гаспадарак прадставяць свае домікі.

Праз тэатралізаваныя пастаноўкі ўдзельнікі раскажуць гісторыі пра свае населеныя пункты, якую прадукцыю яны вырабляюць. Правядуць віктарыны і спартыўныя гульні. Конкурс будзе ацэньваць журы. Па словах Вольгі Турубаравай, членаў журы абавязкова пасадзяць за святочны стол і пачастуюць. А калі будуць падводзіцца вынікі, пройдзе канцэрт, удзел у якім прымуць самадзейныя калектывы Астравецкага раёна. Тры пераможцы конкурсу на лепшы падворак у якасці падарунка атрымаюць прэміі.

Надзея СТАНКЕВІЧ.

Каментуйце публікацыю ў сацыяльных сетках!
               
Новае на сайце