weather 21° Маладзечна
weather 21° Вілейка
weather 22° Смаргонь
weather 21° Ашмяны
weather 19° Валожын
weather 21° Мядзел
weather 22° Астравец
Падпіска
на друкаванае выданне
1 еўра 2.4365
1 долар 2.1066
100 рас.руб. 3.221
15.10.2010 21:21 ,

Нашчадак Агінскага на радзіме продка

Нашчадак Міхала Клеафаса Агінскага кампазітар і піяніст Іва Залускі (Вялікабрытанія) 10 кастрычніка наведаў Маладзечна і Залессе.

Напярэдадні ён удзельнічаў у міжнароднай канферэнцыі ў Гродне, прысвечанай дзейнасці князёў Агінскіх. Яе арганізавалі 8 кастрычніка кафедра гісторыі і сацыялогіі Гродзенскага дзяржаўнага ўніверсітэта, Гродзенскі дзяржаўны гісторыка-археалагічны музей і музей роду Агінскіх (Літва). У ёй удзельнічалі беларускія і літоўскія навукоўцы і краязнаўцы.

Супрацоўнік дзяржаўнага музея Агінскага ў Залессі Сяргей Верамейчык расказаў “РГ”: візіт Іва Залускага ў Беларусь адбыўся ў межах беларуска-літоўскага праекта, ініцыятарам якога стаў музей роду Агінскіх у Рэтавасе (Літва). У Літве ён уключаў у сябе канцэртную праграму, прэзентацыю мемуараў Агінскага ў перакладзе на літоўскую мову і кампакт-дыска Іва Залускага “Дынастыя Агінскіх”, на якім сабраныя кампазіцыі Агінскіх у выкананні калектываў розных краін.

У Беларусі нашчадак Агінскага выступіў у Гродне, дзе ў канцэртнай праграме ўдзельнічаў і актэт Маладзечанскага музычнага вучылішча. Затым у Мінску. У нядзелю, 10 кастрычніка, Іва Залускі наведаў Маладзечна, дзе таксама адбыліся канцэрт і прэзентацыя дыска.

Апошнім пунктам візіту ў Беларусь стала Залессе. Сяргей Верамейчык падарыў госцю дыск “Гукі Залесся”, прысвечаны 245-годдзю з дня нараджэння Міхала Клеафаса Агінскага.

Святлана ЦІШКО.

 

Абмеркаваць
comments powered by HyperComments
Новае на сайце