weather 0° Маладзечна
weather 0° Вілейка
weather 2° Смаргонь
weather 0° Ашмяны
weather -1° Валожын
weather 0° Мядзел
weather 2° Астравец
Падпіска
на друкаванае выданне
1 еўра 2.4432
1 долар 2.1666
100 рас.руб. 3.2497
21.10.2010 12:45 ,

Сын задушыў маці

Дзесяць гадоў зняволення ў калоніі ва ўмовах узмоцненага рэжыму – прыгавор 23-гадоваму жыхару Радашкавічаў Юрыю М., якога суд Маладзечанскага раёна прызнаў вінаватым у забойстве сваёй 60-гадовай маці.

Судзілі Юрыя адразу па трох артыкулах Крымінальнага кодэкса. За прычыненне маці цяжкіх цялесных пашкоджанняў, насілле ў адносінах да сваёй сужытніцы і забойства маці.

Суд устанавіў: у адзін з дзён у перыяд ад 1 да 7 ліпеня п’яны Юры ў сябе дома ў Радашкавічах падчас сваркі з маці некалькі разоў ударыў яе кулаком у галаву. Гэтыя дзеянні абвінавачанага следства кваліфікавала як прычыненне цяжкіх цялесных пашкоджанняў.

Вечарам 8 ліпеня ён зноў пачаў лезці біцца. Сужытніца Юрыя Улада заступілася за пажылую жанчыну. За гэта Юры са словамі “не лезь, а то і табе пападзе” выпіхнуў сужытніцу з дома. Насілле ў адносінах да сужытніцы.

Гэтай жа ноччу сын спачатку моцна збіў маці, зламаў ёй дзве рабрыны, а потым задушыў яе рукамі.

Віну сваю мужчына прызнаў часткова. Падчас следства ён расказаў: у той дзень, 8 ліпеня, яны з сужытніцай Уладай ездзілі да яе сястры ў Мінскі раён. Вярнуліся позна, каля 23 гадзін. Юры ведаў, што ў гэты дзень маці атрымала пенсію. Таму стаў прасіць у яе грошы на выпіўку. Маці не давала, ён стаў яе біць.

Каб сужытніца не перашкаджала экзекуцыі, прыйшлося выгнаць яе на вуліцу.

Улада спачатку праходзіла па справе як сведка, потым – як пацярпелая. Яна расказала: калі апынулася на вуліцы, пайшла па суседзях, каб пазваніць у міліцыю. Але гэтага не атрымалася зрабіць, бо адны суседзі спалі, іншыя былі п’яныя.

У дом Улада, па яе словах, сама не вярталася. Праз некаторы час Юры выйшаў на вуліцу і паклікаў яе. Калі жанчына ўвайшла ў дом, пачула, як храпе маці сужытніка. Ляглі спаць і яны. Улада не чула, каб Юры ўставаў ноччу, але не выключае, што ён мог уставаць. Калі прачнулася раніцай, убачыла пенсіянерку мёртвай, твар у яе быў разбіты…

Юры сцвярджае: не хацеў забіваць. Кажа, што пасля таго, як пабіў маці рукамі і нагамі, пачаў трэсці яе за шыю і задушыў выпадкова.

Падчас следства, якое праводзіў старшы следчы следчага аддзела пракуратуры Мінскай вобласці Вадзім Шукрынаў, сведкі, суседзі сям’і Юрыя, расказвалі, што ў дзень перад ноччу, калі адбылося забойства, яны заходзілі ў госці да маці Юрыя, дзе выпівалі з ёй пасля таго, як жанчына атрымала пенсію.

Па сведчанням суседзяў, участковага міліцыянера і старшыні Радашкавіцкага пасялковага савета, Юры, калі выпіваў, станавіўся агрэсіўным, злым. Біў сваю сужытніцу, чапляўся да маці. Пажылая жанчына скардзілася суседзям на сына. Але ў міліцыю на яго не заяўляла. Шкадавала.

Акрамя частковага прызнання віны Юрыя, яна пацвярджаецца паказаннямі сведкаў, пратаколам агляду месца здарэння, заключэннем медыцынскай судовай экспертызы цела памерлай.

Дзяржаўны абвінаваўца ў судзе прасіў суд прыгаварыць Юрыя да дванаццаці гадоў зняволення. Суд даў на два гады менш.

Дзяніс ІВАНОЎСКІ, старшы памочнік пракурора Маладзечанскага раёна.

Сяргей ЗЯНЬКО.

Каментуйце публікацыю ў сацыяльных сетках!
               
Новае на сайце