weather 23° Маладзечна
weather 23° Вілейка
weather 22° Смаргонь
weather 23° Ашмяны
weather 20° Валожын
weather 23° Мядзел
weather 22° Астравец
Падпіска
на друкаванае выданне
1 еўра 2.3272
1 долар 1.9984
100 рас.руб. 3.1481
26.10.2010 14:54 ,

Пад Ашмянамі згарэў міліцыянер

Раніцай 23 кастрычніка ў гасцявым доміку ў вёсцы Грынцы, што пад Ашмянамі, згарэў капітан міліцыі, 36-гадовы намеснік начальніка службы эскартавання спецыяльнага падраздзялення дарожна-паставой службы “Страла” Міністэрства ўнутраных спраў.

Чатыры супрацоўнікі “Стралы” прыехалі з Мінска 22 кастрычніка ў наш рэгіён для нясення службы. Засяліліся ў драўляны двухпавярховы гасцявы домік конна-спартыўнага комлексу “Гіпіка”. У гэты дзень на дзвюх машынах яны патрулявалі тэрыторыю Ашмянскага і Смаргонскага раёнаў.

Як паведамілі “РГ” у праваахоўных органах Гродзенскай вобласці, экіпажы завяршылі сваю работу ў 20 гадзін і вярнуліся ў гасцініцу.

Паведамленне пра ўзгаранне доміка на пульт выратавальнікаў паступіла ў 6 гадзін 25 хвілін 23 кастрычніка. Устаноўлена: пачуўшы гук аўтаномнага пажарнага апавяшчальніка, тры супрацоўнікі “Стралы” здолелі выскачыць з доміка. 36-гадовы капітан міліцыі, жыхар Мінска, загінуў на пажары. У органах унутраных спраў ён працаваў ад верасня 1996 года, на сваёй пасадзе – ад сакавіка 2010 года.

Домік выгараў знутры, ён непрыдатны для эксплуатацыі.

На месца здарэння сярод іншых выязджалі пракурор Гродзенскай вобласці, пракурор Ашмянскага раёна, начальнік дзяржаўтаінспекцыі Міністэрства ўнутраных спраў.

Разглядаецца некалькі версій прычыны ўзгарання: непатушаная цыгарэта, няспраўная электраправодка, парушэнне правілаў карыстання камінам. У міліцыянераў узялі кроў для экспертызы на наяўнасць у ёй алкаголю.

Сяргей ЗЯНЬКО.

Абмеркаваць
comments powered by HyperComments
Новае на сайце