weather 5° Маладзечна
weather 5° Вілейка
weather 4° Смаргонь
weather 5° Ашмяны
weather 3° Валожын
weather 5° Мядзел
weather 4° Астравец
Падпіска
на друкаванае выданне
1 еўра 2.4197
1 долар 2.0988
100 рас.руб. 3.2132
18.04.2011 09:44 ,

Жыхар Краснага падазраецца ў згвалтаванні школьніц

59-гадовы жыхар Краснага падазраецца ў згвалтаванні дзвюх вучаніц адной са школ раёна. Адной дзяўчынцы 12 гадоў, другой – 14. Здарэнне адбылося вечарам 13 красавіка ў лесе каля вёскі Раёўка. Крымінальная справа ўзбуджаная 15 красавіка.

Пра гэта паведаміў “РГ” начальнік дзяжурнай часці райаддзела міліцыі Ігар Шупенка. Паводле яго інфармацыі, нецвярозы жыхар Краснага згвалтаваў дзяўчынак ў сваёй іншамарцы “насуперак волі пацярпелых, з выкарыстаннем іх бездапаможнага стану і прымяненнем насілля”.

Пракуратура Маладзечанскага раёна ўзбудзіла крымінальную справу па трэцяй частцы 166 артыкула Крымінальнага кодэкса – “Згвалтаванне заведама малалетняй”. Справу вядзе следчы пракуратуры Мінскай вобласці па Маладзечанскім раёне Сяргей Сяляўка.

Следчы расказаў нашаму выданню: па папярэдняй інфармацыі, дзяўчынкі самі селі ў машыну жыхара Краснага. Было гэта каля 15 гадзін. Потым кампанія купіла спіртнога і закускі, машына збочыла ў лес недалёка ад Раёўкі.

Паводле заяў у міліцыю школьніц, каля 17 гадзін, пасля распівання спіртнога, мужчына па чарзе згвалтаваў іх. Вечарам гэтага ж дня пацярпелыя звярнуліся ў міліцыю.

Па словах Сяргея Сяляўкі, цяпер вядзецца следства, па здарэнні прызначаныя экспертызы. Па трэцяй частцы 166 артыкула Крымінальнага кодэкса можна атрымаць ад васьмі да пятнаццаці гадоў зняволення.

Сяргей ЗЯНЬКО.   

Абмеркаваць
comments powered by HyperComments
Новае на сайце