weather 1° Маладзечна
weather 1° Вілейка
weather 0° Смаргонь
weather 1° Ашмяны
weather -1° Валожын
weather 1° Мядзел
weather 0° Астравец
Падпіска
на друкаванае выданне
1 еўра 2.4377
1 долар 2.1564
100 рас.руб. 3.2572
19.07.2011 23:03 ,

Першы ў Беларусі музычны падворак адкрыўся ў Маладзечне

Фота: Александр.

Першы ў Беларусі музычны падворак адкрыўся 2 ліпеня ў двары музычнага вучылішча.
«Сёння для мяне тут адбылося сапраўднае свята, — сказаў у інтэрв’ю «РГ» дырэктар музвучылішча Рыгор Сарока. — Таму што я ішоў да гэтага 10 гадоў».

Па яго словах, у першы дзень свята «Дажынак» у гэтым дворыку плануецца правесці вечар і ноч класічнай музыкі. Да гэтага часу дворык яшчэ ўдасканаляць. Пасадачных месцаў будзе 720. Сцэна будзе крытая, паставяць вароты. Ужо уладкаваны невялікі фантанчык.

Пануецца, што за пасадачнымі месцамі размесціцца спартыўная пляцоўка з тэнісным кортам, на якой пры неабходнасці можна размясціць гандлёвыя пункты. Побач падрыхтуюць аўтастаянку на 40 месцаў.

«Тут цудоўная акустыка, — тлумачыць Рыгор Сарока. — І з гэтага пункту гледжання падворык — проста ідэальнае месца для філарманічнай залы. Тут выступаць можна зусім без мікрафону. Вельмі ўдалую форму мае будынак музвучылішча, гук не накладваецца адзін на адзін, а ляціць у неба. З любога месца падворка будзе чуваць аднолькава. Не кожная краіна можа пахваліцца такім збудаваннем».

На адкрыцці прысутнічала кіраўніцтва горада, а таксама дэлегацыі з Літвы і Расіі.

Падрабязней чытайце крыху пазней на нашым сайце rh.by

Зоя ХРУЦКАЯ.
Фота Зоі ХРУЦКАЙ.
Каментуйце публікацыю ў сацыяльных сетках!
               
Новае на сайце