weather 1° Маладзечна
weather 1° Вілейка
weather 2° Смаргонь
weather 1° Ашмяны
weather 1° Валожын
weather 1° Мядзел
weather 2° Астравец
Падпіска
на друкаванае выданне
1 еўра 2.4432
1 долар 2.1666
100 рас.руб. 3.2497
16.08.2011 12:31 ,

У Крэве прайшоў "Крэўскі кірмаш"

Фестываль “Крэўскі кірмаш” адбыўся ў мястэчку 13 жніўня. Арганізатарам імпрэзы стаў дабрачынны фонд “Крэўскі замак”.

На сцэне каля сцен замка выступалі паэты Уладзімір Някляеў, дзяцінства якога прайшло ў Крэве, Валярына Кустава, Анатоль Івашчанка, Усевалад Сцебурака, барды Раман Яраш, Таццяна Беланогая, спяваў гурт “Горынь”, іншыя.

Паэтка Валярына Кустава.

Фолк-рок-гурт «Alte Mente».

Кірмаш сабраў не толькі местачкоўцаў, але і гасцей з розных гарадоў Беларусі.

Шмат хто з выступоўцаў казаў, як любіць прыязджаць у гэтае мястэчка. На што Усевалад Сцебурака адзначыў, што Крэва – сталіца.

– Так было раней і так ёсць. І Вы – людзі, якія тут жывуць, – соль зямлі, – сказаў ён, выйшаўшы на сцэну.

На пляцоўцы каля замка працавалі гандлёвыя пункты з упрыгажэннямі, вырабамі з гліны, цацкамі, беларускай музыкай і фільмамі. Дзяўчаты з гурту “Горынь” праводзілі майстар-клас па вырабе традыцыйнай лялькі.

Майстар-клас.

Падчас фестывалю праходзіў конкурс у розных намінацыях. Званне “Крэўскі князь” атрымаў Павел Карнюшын, “Крэўская князёўна” – Ганна Андруковіч. Абое яны вучацца ў Беларускім дзяржаўным універсітэце культуры і мастацтваў.

Крэўскія князёўна і князь Ганна Андруковіч і Павел Карнюшын.

Іншыя намінацыі размеркаваліся наступным чынам:

— крэўскі паэт – Уладзімір Някляеў;

— крэўскі бард – Таццяна Беланогая;

— крэўскі цуд – Віктар і Вера Жыбулі;

— крэўская традыцыя – гурт “Горынь”;

— крэўскі валанцёр – Аляксей Друпаў, студэнт гістарычнага факультэта БДУ.

Усе пераможцы атрымалі падарункі ад фонду.

“Крэўскі майстар” не выбраны. У намінацыі “Крэўскі авангард” (гурт, які лепш за ўсё адлюстроўвае эксперыментальны накірунак беларускай музыкі) за званне пераможцы ў хуткім часе ў Мінску пазмагаюцца “Князь Мышкін”, “Балцкі субстрат” і “Інфрачырвоны выдых”. Па словах дырэктара фонду Вольгі Кастрамінавай, запланаваная вечарына, дзе будзе добрая апаратура для выступлення.

Дырэктар фонду «Крэўскі замак» Вольга Кастрамінава.

Фестывалем засталіся задаволеныя і гледачы, і арганізатары.

– Надвор’е крыху перашкодзіла. Але ў цэлым добра: сёлета выступалі не толькі добра вядомыя, але і новыя паэты, барды. Майстар-клас ад гурту “Горынь” карыстаўся папулярнасцю, – адзначыла ў інтэрв’ю “РГ” Вольга Кастрамінава.

Святлана ЦІШКО.

Фота Валерыя ТРАЦЯКА.

Каментуйце публікацыю ў сацыяльных сетках!
               
Новае на сайце