weather 18° Маладзечна
weather 18° Вілейка
weather 19° Смаргонь
weather 18° Ашмяны
weather 18° Валожын
weather 18° Мядзел
weather 19° Астравец
Падпіска
на друкаванае выданне
1 еўра 2.3272
1 долар 1.9984
100 рас.руб. 3.1481
18.11.2011 09:40 ,

На могілках у Вязыні пашкодзілі больш за 100 магіл

На вясковых могілках ля вёскі Вязынь, што ў Вілейскім раёне, пашкоджаныя больш за 100 пахаванняў. На многіх разбітыя помнікі.

Пра гэта ў міліцыю паведамілі ў сераду, 16 лістапада, мясцовыя жыхары. Па словах намесніка начальніка Вілейскага раённага аддзела ўнутраных спраў Андрэя Дударчыка, на месца злачынства акрамя іх супрацоўнікаў выязджала група ўпраўлення ўнутраных спраў Мінаблвыканкама. Высветлілася, што невядомыя гаспадарылі там у ноч з 15 на 16 лістапада. Пашкоджаныя не толькі крыжы і надмагільныя ўзгорачкі. На многіх магілах паразбіваныя помнікі.

У выніку пошукавых мерапрыемстваў знойдзены падазраваны. Гэта жыхар Вілейскага раёна 1985 года нараджэння, які ўжо пачаў даваць паказанні. Узбуджаная крымінальная справа.

“Могілкі ў Вязыні вялікія, – гаворыць Андрэй Дударчык, – можа аказацца, што пашкоджаных магіл значна больш. Таму супрацоўнікі Вілейскага РАУС просяць сваякоў і ўсіх неабыякавых людзей, што выявяць пашкоджаныя пахаванні, звярнуцца ў РАУС”.

Тэлефоны: (801771) 54135, 54969.

Марына СЛІЖ.

Абмеркаваць
comments powered by HyperComments
Новае на сайце