weather -3° Маладзечна
weather -3° Вілейка
weather -3° Смаргонь
weather -3° Ашмяны
weather -3° Валожын
weather -3° Мядзел
weather -3° Астравец
Падпіска
на друкаванае выданне
1 еўра 2.4349
1 долар 2.1455
100 рас.руб. 3.261
30.11.2011 14:14 ,

Літоўцы падарылі свой прыз школе

За Гран-пры рэгіянальнага фестывалю народнай песні “Песня памежжа” Вільнюскі фальклорны ансамбль “Ёрэ” атрымаў тэлевізар.

Гэта традыцыйны падарунак уладальнікам Гран-пры. Але пераможцы не забралі яго ў Вільню, а падарылі літоўскай школе ў Рымдзюнах, дзе сёлета праводзіўся фестываль.

У суботу, 26 лістапада, у Доме культуры сабраліся бабулі з усіх суседніх вёсак і ахвотна падпявалі ўдзельнікам фестывалю. Па словах дырэктара Астравецкага раённага Дома культуры Святланы Куцько, асабліва − калектыву Рымдзюнскага Дома культуры “Жыльвіціс”, які перамог у намінацыі “захоўванне рэгіянальных традыцый”.

Першыя месцы занялі выступоўцы Гродзеншчыны: народны ансамбль песні і танца “Ніва” з вёскі Вярцелішкі, народны вакальны ансамбль “Зарачанскія крынічкі” і народны сямейны ансамбль “Сваякі”.

Фестываль “Песня памежжа” праводзіцца раз на два гады. Сёлета ён адбыўся восьмы раз.

На фестывалі “Песня памежжа” ўдзельніцам рымдзюнскага Дома культуры “Жыльвіціс” падпявалі бабулі з суседніх вёсак.

Народны ансамбль песні і танца “Ніва” з вёскі Вярцелішкі Гродзенскага раёна.

Зоя ХРУЦКАЯ.

Фота забяспечана Святланай КУЦЬКО.

Каментуйце публікацыю ў сацыяльных сетках!
               
Новае на сайце