weather 13° Маладзечна
weather 13° Вілейка
weather 16° Смаргонь
weather 13° Ашмяны
weather 15° Валожын
weather 13° Мядзел
weather 16° Астравец
Падпіска
на друкаванае выданне
1 еўра 2.3283
1 долар 2.0548
100 рас.руб. 3.0865
19.10.2012 09:56 ,

За два літры піва заплаціў 4,5 мільёна

Недалёка ад Маладзечна 30-гадовы жыхар вёскі Калесіна скраў з крамы на аўтазапраўцы два літры піва. За гэта ён павінны выплаціць штраф 4,5 мільёна рублёў.

У жніўні каля 21.30 нецвярозы мужчына зайшоў у краму аўтазапраўкі, якая знаходзіцца на другім кіламетры па трасе Маладзечна-Валожын. Мужчына скраў бутэльку піва, якая каштуе 25 тысяч рублёў. Яго заўважыў прадавец і пачаў патрабаваць вярнуць бутэльку, але абвінавачаны вырашыў ўцячы.

Раней жыхар вёскі Калесіна ўжо быў судзімы за “Наўмыснае прычыненне цяжкага цялеснага пашкоджання” (частка 3 артыкула 147 Крымінальнага кодэкса Беларусі). Яго за гэта ў верасні 2005 года прыгаварылі да пяці гадоў пазбаўлення волі. На апошнія паўтара года пакаранне было замененае папраўчымі работамі з утрыманнем 20 працэнтаў заработнай платы. Потым па законе аб амністыі пакаранне скарацілі на адзін год, і 1 ліпеня 2010 года ён быў вызвалены ад пакарання цалкам.

З улікам папярэдняй судзімасці, абвінавачанага па частцы 1 артыкула 43 “Рабаванне” прыгаварылі да штрафу ў 45 базавых велічынь, альбо 4,5 мільёна рублёў.

Абвінавачаны прызнаў сваю віну цалкам. Шкоду кампенсаваў у поўным аб’ёме.

Вадзім Бярозкін,
памочнік пракурора Маладзечанскага раёна.
Фота telegraf.by

Абмеркаваць
comments powered by HyperComments
Новае на сайце