weather 10° Маладзечна
weather 10° Вілейка
weather 14° Смаргонь
weather 10° Ашмяны
weather 10° Валожын
weather 10° Мядзел
weather 14° Астравец
Падпіска
на друкаванае выданне
1 еўра 2.4458
1 долар 2.1112
100 рас.руб. 3.2211
15.08.2013 15:26 ,

Дзеці гінуць, калі застаюцца адны

У ліпені выхаванец аднаго з мінскіх інтэрнатаў адпачываў у летніку на Маладзечаншчыне. Ён збег адтуль, і па дарозе ў Мінск яго збіла машына. Дзіця загінула.

Летам усе заклікаюць вывозіць дзяцей з гарадоў, каб яны маглі не толькі палепшыць здароўе, але пабыць далей ад гарадскога жыцця з яго спакусамі.

Аднак няшчасце можа напаткаць дзе заўгодна.

Дзеці гінуць на вадаёмах, дома, пад коламі машын… Гэта адбываецца заўсёды, калі яны застаюцца адны. Па аператыўных дадзеных МНС і МУС, у краіне ад пачатку года патанулі 24 дзіцяці, загінулі ў пажары 16, а ў аварыях – 10. Пацярпелі ад аварый 218.

І да 70 працэнтаў такіх здарэнняў адбываюцца з-за недагляду дарослых.

Кожнаму з бацькоў трэба разумець, што дзеці капіруюць іх паводзіны, у тым ліку і небяспечныя. З імі трэба размаўляць, тлумачыць, што можна, а што не. Нельга быць ініцыятарамі няправільных учынкаў. Часам можна назіраць карціну, калі дарослыя перабягаюць дарогу там, дзе нельга, ды перад самай  машынай. І ў дадатак цягнуць за сабой малечу.

У Радашкавічах дзіця з дома-інтэрната патанула падчас адпачынку. Дзеці самі сабраліся і пайшлі купацца. Але ж педагогі ведаюць, куды цягне дзяцей, а значыць, трэба сачыць за імі.

МУС ладзіць розныя мерапрыемствы, каб папярэдзіць такія трагедыі. Аднак нішто не заменіць бацькоўскі кантроль.

Сяргей ШЫТЫКА, начальнік інспекцыі па справах непаўналетніх Маладзечанскага РАУС.

Фота grakartinki.ru

Абмеркаваць
comments powered by HyperComments
Новае на сайце