weather 24° Маладзечна
weather 24° Вілейка
weather 24° Смаргонь
weather 24° Ашмяны
weather 22° Валожын
weather 24° Мядзел
weather 24° Астравец
Падпіска
на друкаванае выданне
1 еўра 2.3272
1 долар 1.9984
100 рас.руб. 3.1481
31.08.2013 09:27 ,

У Мядзеле прывіталі школьную пару

Другі раз напярэдадні новага навучальнага года ў райцэнтры прайшло свята “Прывітанне, школьная пара”. На плошчы Леніна для дзяцей наладзілі разнастайныя забавы.

Працавалі гульнявыя і спартыўныя пляцоўкі. Тут сярод іншага можна было пагуляць у дартс, настольны тэніс, праверыць свае турысцкія навыкі і ўменне ездзіць на веласіпедзе. Цырульнікі праводзілі майстар-клас па дзіцячых прычосках.

А найбольшую ўвагу ў дзяцей выклікала пляцоўка фэйс-арта. Калі іншыя ўжо завяршылі працаваць, то тут яшчэ выстройвалася чарга з дзяцей – столькі было жадаючых упрыгожыць твар малюнкам.

– Цяжка і палічыць, колькі твараў размалявала, – кажа мастак-афарміцель Мядзельскага ГДК Вікторыя Янцэвіч. –  І катоў, матылькоў, ільвянят, тыгранят просяць намаляваць.

Не праміналі дзеці пляцоўку для фотасесій, каб сфатаграфавацца з фанернымі фігурамі Губкі Боба і іншых папулярных мультыплікацыйных персанажаў.

Завяршыў свята канцэрт у амфітэатры. Выступілі на ім юныя таленты, якія адпачываюць у цэнтры “Зубраня”. А мядзельскі дзеці паказалі ўзоры школьнай моды: на сцэну выходзілі ад маленькіх вучняў да старшакласнікаў.

Алесь ВЫСОЦКІ.

На здымках: ствараюць малюнак на твары,

Фота Алеся ВЫСОЦКАГА.

Абмеркаваць
comments powered by HyperComments
Новае на сайце