weather 7° Маладзечна
weather 7° Вілейка
weather 8° Смаргонь
weather 7° Ашмяны
weather 8° Валожын
weather 7° Мядзел
weather 8° Астравец
Падпіска
на друкаванае выданне
1 еўра 2.5041
1 долар 2.0256
100 рас.руб. 3.2925
26.03.2014 19:50 , AЎТАР(Ы): Настасся РОЎДА Наталля ТУР

Упершыню пад спайсам трапіў у рэанімацыю васьмікласнік з Маладзечна (дапоўнена)

У школе, дзе вучыўся 13-гадовы хлопчык, пасля гэтага здарэння дзецям перасталі дазваляць выходзіць у час урокаў, паведаміў “РГ” адзін з вучняў.

Тыдзень таму ў рэанімацыю дзіцячай бальніцы з падазрэннем на атручванне наркотыкам паступіў 13-гадовы падлетак.

Пасля школы ён разам з сябрам накіроўваўся дадому. Па дарозе яны спыніліся, хлопчык спажыў сумесь і… страціў прытомнасць. Яго сябар, перапалохаўшыся не на жарт, выклікаў “хуткую” і паклікаў на дапамогу настаўнікаў, распавялі ў РАУС.

Хлопчыка даставілі ў рэанімацыйнае аддзяленне дзіцячай бальніцы. Медыкі правялі ўсе неабходныя аналізы, але высветліць склад рэчыва, якім атруціўся школьнік, так і не ўдалося.

Падлетак суткі праляжаў у рэанімацыі, затым яго перавялі ў педыятрычнае аддзяленне і хутка адпусцілі дадому.

Загадчык дзіцячай бальніцы Сяргей Рылаў адзначае, што сёлета гэта першы выпадак. Раней такое здаралася, але, як і цяпер, пацвердзіць, што гэта было менавіта наркатычнае атручванне, не змаглі. Склад рэчыва заставаўся невядомым, дагэтуль яго не сустракалі.

Нават пасля першага ўжывання спайсу чалавек вар’яцее і ў некаторых выпадках не прыходзіць у норму нават пасля месяца стацыянарнага лячэння,

папярэджвае галоўны пазаштатны псіхіятр-нарколаг Маладзечанскага раёна Аляксандр Бажко.

Наркотыкамі труцяцца штомесяц

З такім выпадкам начальнік аддзялення па наркакантролю і  супрацьдзеянню гандлю людзьмі Дзмітры Сухоцкі сустракаецца ўпершыню. У такім малым узросце наркатычнага атручвання раней не здаралася. І хоць дакладна вызначыць рэчыва не атрымалася, эксперты мяркуюць, што гэта спайс.

– Пераважна наркотыкі ўжывае моладзь 16-19 гадоў, – удакладняе Дзмітры Сухоцкі. – Амаль кожны месяц з такімі атручваннямі адзін-два маладыя чалавекі трапляюць у рэанімацыю. А напрыканцы мінулага года быў і смяротны выпадак.

Летась 22 снежня студэнт-першакурснік Беларускага нацыянальнага тэхнічнага ўніверсітэта з Маладзечна памёр у інтэрнаце ад перадазіроўкі.

– Ужыўшы наркотык, – працягвае Дзмітры Сухоцкі, – чалавек проста перастае штосьці разумець. Ён паводзіць сябе як зомбі, нават можа выйсці ў адчыненае акно.

Суразмоўца таксама заўважыў: тыя, хто атруціўся наркотыкам, ведалі, што ўжываюць. Пра наступствы ўжывання спайсаў ім расказвалі ва ўстановах, дзе яны вучацца. На пытанне, чаму ж вы ўжывалі іх, адказвалі аднолькава: “Хацеў паспрабаваць”.

Дапоўнена:

Як гандлююць спайсамі

Ужо сёлета ў Маладзечанскім раёне ўзбудзілі шэсць крымінальных спраў за продаж і захоўванне курыльных сумесяў.

Распаўсюджваюць наркотыкі ў асноўным са сталіцы праз інтэрнэт-сайты.

Пішуць, быццам і зусім гэта не наркотыкі, распісваюць парады, што казаць міліцыі, калі раптам затрымалі, каб не трапіць у турму, выкарыстоўваюць і іншыя хітрыкі.

Спайс стаў больш чым забавай

Сёлета за тры месяцы толькі ў сталіцы наркотыкі забралі жыцці семярых маладых людзей.

Амаль штотыдзень з’яўляюцца новы від спайсу. Яго ствараюць з вядомай асновы шляхам новай хімічнай формулы з напыленнем рэчыва-навінкі на травы ці табак.

Таму медыкі папросту не могуць вызначыць, чым канкрэтна атруціўся чалавек. Адпаведна, невядомыя і наступствы такога атручвання.

Урэшце грамадства адчула ўсю пагрозу ўжывання спайсаў. Прафілактычныя акцыі супрацоўнікі міліцыі ладзяць увесь час. Апошняя прайшла 26-29 сакавіка па ўсёй краіне. Вядома, аднымі акцыямі не па сілах засцерагчы кожнага ад ужывання спайсаў, але замоўчваць гэту праблему больш нельга.

Школы не паведамляюць міліцыі пра наркаманаў

Абмеркаваць
comments powered by HyperComments
Новае на сайце