weather 5° Маладзечна
weather 5° Вілейка
weather 8° Смаргонь
weather 5° Ашмяны
weather 6° Валожын
weather 5° Мядзел
weather 8° Астравец
Падпіска
на друкаванае выданне
1 еўра 2.439
1 долар 2.1574
100 рас.руб. 3.2566
28.04.2014 17:42 ,

Маладзечанцы знаёмілі мядзяльчан з гарадкамі

У райцэнтр наведаліся аматары гарадошнага спорту з Маладзечна: і юныя, і дарослыя.

Пазнаёмілі яны дзяцей і настаўнікаў фізкультуры з Мядзельшчыны з такім відам спорту як гарадкі.

– Мэта ў нас адна: імкнёмся развіваць гарадкі ў Беларусі, – адзначыў намеснік старшыні Беларускай федэрацыі гарадошнага спорту, старшы трэнер аддзялення гарадошнага спорту Маладзечанскай спецыялізаванай СДЮШАР Аляксандр Кулак. – Многія ў Мядзеле з інтарэсам успрынялі гульню ў гарадкі, мы нават правялі міні-турнір. Запрасілі дзяцей паспаборнічаць, потым і настаўнікі паспрабавалі свае сілы.

Заўсёды робім акцэнт на тое, што гэты від спорту вельмі даступны. У гарадкі можна гуляць, пачынаючы літаральна з дзіцячага садка. І ў той жа час на пляцоўцы можна ўбачыць бабуль і дзядуль.

– Помніцца, не так яшчэ даўно ў Мядзельскім раёне гарадкі развівалі ў Заняўскай школе…

– Так. Мікалай Петух развіваў гэты спорт. І мы туды прыязджалі, ён да нас прыязджаў. І яго хлопец трапіў у зборную Беларусі, выступаў на першынстве Еўропы. Так што, мы робім другую спробу ў развіцці гарадошнага спорту на Мядзельшчыне.

– На ваш погляд, якія перспектывы гарадкоў у Нарачанскім краі?

– Мядзельшчына – месца, багатае на турыстаў. І па нашым меркаванні, яно перспектыўнае для развіцця гарадошнага спорту. Таму хочам штосьці зрабіць тут. І ў гэтай справе разлічваем на дапамогу энтузіястаў і настаўнікаў.

Каментуйце публікацыю ў сацыяльных сетках!
               
Новае на сайце