weather 21° Маладзечна
weather 21° Вілейка
weather 23° Смаргонь
weather 21° Ашмяны
weather 23° Валожын
weather 21° Мядзел
weather 23° Астравец
Падпіска
на друкаванае выданне
1 еўра 2.3272
1 долар 1.9984
100 рас.руб. 3.1481
05.06.2015 13:33 ,

“Смаргонь” прайграла ў абласным дэрбі. Ізноў у матчы забілі пяць галоў

Момант матчу.

Футбольны клуб  “Смаргонь” 31 мая дома прымаў “Ліду”.

Абедзве каманды выдатна правялі апошнія матчы. І тут гульню паказалі выніковую, асабліва ў пачатку.

Як у мінулым туры, у матчы з удзелам “Смаргоні” ў вароты абедзвюх камандаў уляцела пяць галоў. Аднак тут канчатковы вынік быў не на карысць смаргонцаў.

Ім пастаянна даводзілася адыгрывацца. Ужо да паловы першага тайма лік быў 2:2. У смаргонцаў першы гол у адказ забіў Сяргей Крот з пенальці, другі – Яўген Калінін.

У другім тайме каманды на дваіх забілі толькі адзін гол. На 58-й хвіліне вызначыўся гулец “Ліды”. І тут ужо адыграцца “Смаргонь” не здолела.

Галоўны трэнер ФК “Ліда” Максім Лычоў прызнаў, што “гульня была роўная і калі справядліва сказаць – нічыйная”.

Галоўны трэнер “Смаргоні” Мікалай Рындзюк у пасляматчавым каментары сказаў:

– Калі-небудзь гэта павінна было здарыцца. Крыўдна, што адбылося дома і пры сваіх заўзятарах. Што тут сказаць, тры галы прапусцілі з-за ўласных памылак. Скажам так, сёння ўдача была на баку “Ліды”.

Да гульцоў прэтэнзій няма, каманда настройваўся, змагалася. Але, паўтаруся, сапернік пакараў нас за ўласныя памылкі, – прыводзіць яго словы афіцыйны сайт клуба.

Пасля гэтай гульні “Смаргонь апусцілася з другога на чацвертае месца.

У наступным туры ў смаргонцаў ёсць добры шанец разжыцца ачкамі: 6 чэрвеня яны згуляюць у гасцях супраць аўтсайдара – “Рэчыцы-2014”.

Відэагляд матча з сайта fc-smorgon.by

Абмеркаваць
comments powered by HyperComments
Новае на сайце