weather 17° Маладзечна
weather 17° Вілейка
weather 12° Смаргонь
weather 17° Ашмяны
weather 11° Валожын
weather 17° Мядзел
weather 12° Астравец
Падпіска
на друкаванае выданне
1 еўра 2.4279
1 долар 2.1098
100 рас.руб. 3.2157
16.06.2015 10:04 ,

На Астравеччыне з’явіцца заказнік рэспубліканскага значэння “Белы Мох”

Фота: fresher.ru.

На Гродзеншчыне наводзяць парадак: балота Святое расшыраюць, а таксама з’явяцца новыя, асабліва ахоўныя, прыродныя тэрыторыі. Новы заказнік запланаваны і ў Ашмянскім раёне.

Пра гэта паведамляе Беларускі зялёны партал са спасылкай на “Гродненскую правду”.

Частку балотных зямель у раёне вёскі Азёры будуць паўторна забалочваць пасля неэфектыўна асушаных тарфянікаў. Унікальнае святое балота прырасце на паўтары тысячы гектараў.

Навукоўцы называюць балота “кавалкам тундры” ў нашых краях з адпаведнай флорай і фаўнай.

З’явяцца новыя заказнікі

На Гродзеншчыне створана 255 асабліва ахоўных прыродных тэрыторый, а гэта амаль 10% ад усёй тэрыторыі вобласці. Яны будуць павялічвацца.

Рашэннем аблвыканкама зарэзерваваная тэрыторыя ў Астравецкім раёне. Сёлета яе плануюць абвясціць заказнікам рэспубліканскага значэння “Белы Мох”. Яго плошча каля 800 гектараў.

Новы заказнік запланаваны ў Ашмянскім раёне на плошчы 3,7 гектара. Меркаваная назва – “Мікулішкі”.

Яшчэ два заказнікі з’явяцца ў Гродзенскім і Мастоўскім раёнах.

Абмеркаваць
comments powered by HyperComments
Новае на сайце