weather 2° Маладзечна
weather 2° Вілейка
weather 10° Смаргонь
weather 2° Ашмяны
weather 8° Валожын
weather 2° Мядзел
weather 10° Астравец
Падпіска
на друкаванае выданне
1 еўра 2.46
1 долар 2.1177
100 рас.руб. 3.2257
06.01.2016 15:21 ,

Дзяржаўная медыцына падаражэла: глядзіце новыя цэны на дыягностыку, медыцынскія даведкі

Фота: pravmir.ru.

У Беларусі ўстаноўлены новыя гранічныя максімальныя тарыфы на паслугі па прамянёвай, ультрагукавой, функцыянальнай і эндаскапічнай дыягностыцы. Адпаведная пастанова Міністэрства аховы здароўя нумар 128 ад 23 снежня 2015 года апублікавана сёння на Нацыянальным прававым партале.

Згодна з пастановай, гранічны максімальны тарыф на рэнтгенаскапію органаў грудной поласці складзе Br68 тыс. (раней – Br54 тыс.). Флюараграфія дыягнастычная абыдзецца ў цану ад Br22 тыс. да Br33 тыс. (раней – ад Br17 тыс. да Br26 тыс.), рэнтгенаграфія малочнай залозы – ад Br33 тыс. да Br48 тыс. (раней – ад Br26 тыс. да Br38 тыс.). Гранічны максімальны тарыф на магнітна-рэзанансную тамаграфіюгалаўнога мозга ўстаноўлены ў памеры ад Br183 тыс. да Br673 тыс. (раней – ад Br145 тыс. да Br532 тыс.).

Ультрагукавое даследаванне органаў брушной поласці будзе каштаваць ад Br29 тыс. да Br140 тыс. (раней – ад Br23 тыс. да Br111 тыс.). За электракардыяграму ў дадатковых адвядзеннях трэба будзе заплаціць Br29 тыс. (раней – Br23 тыс.), за электракардыяграфічнае даследаванне з бесперапыннай сутачнай рэгістрацыяй электракардыяграмы пацыента – Br359 тыс. замест Br284 тыс.

Таксама на Нацыянальным прававым партале апублікавана пастанова Міністэрства аховы здароўя нумар 130 ад 23 снежня 2015 года, якой устаноўлены новыя гранічныя максімальныя тарыфы на паслугі па лабараторнай дыягностыцы. Так, здаць кроў з пальца для ўсяго спектра гематалагічных даследаванняў (агульны аналіз крыві) будзе каштаваць Br6 тыс. (раней – Br5 тыс.), з вены – Br8 тыс. замест Br6 тыс.

Гематалагічныя даследаванні будуць каштаваць ад Br2,5 тыс. да Br118 тыс. (раней – ад Br2 тыс. да Br93 тыс.), біяхімічныя – ад Br6 тыс. (за вызначэнне агульнага халестэрыну сывараткі крыві ферментатыўным метадам) да Br525 тыс. (за выяўленне наркатычных сродкаў і псіхатропных рэчываў у біялагічных вадкасцях). Раней за гэтыя віды даследаванняў трэба было заплаціць Br5 тыс. і Br415 тыс. адпаведна.

Яшчэ адной пастановай Міністэрства аховы здароўя ад 23 снежня 2015 года нумар 131, якая таксама апублікавана сёння на Нацыянальным прававым партале, павышаны гранічныя максімальныя тарыфы на паслугі па прафілактычным і абавязковым медыцынскім аглядах грамадзян і медыцынскіх аглядах стану здароўя для атрымання меддаведкі, якая пацвярджае прыдатнасць да кіравання аўтамабілямі з ручным кіраваннем.

Агляд тэрапеўтам будзе каштаваць Br12,9 тыс. (раней Br10 тыс.), вынясенне ўрачом-спецыялістам заключнага экспертнага рашэння – Br22 тыс. замест Br17 тыс. Функцыянальныя даследаванні абыдуцца ў суму ад Br1,6 тыс. да Br33 тыс. (раней – ад Br1,2 тыс. да Br26 тыс.).

Пастановы ўступаюць у сілу пасля іх афіцыйнага апублікавання.

.

Абмеркаваць
comments powered by HyperComments
Новае на сайце