weather 18° Маладзечна
weather 18° Вілейка
weather 22° Смаргонь
weather 18° Ашмяны
weather 19° Валожын
weather 18° Мядзел
weather 22° Астравец
Падпіска
на друкаванае выданне
1 еўра 2.312
1 долар 1.9886
100 рас.руб. 3.1609
13.01.2017 08:27 ,

У дэкрэт аб дармаедах унеслі змены. Каго вызвалілі ад выплаты падатку

Фота: Сяргея Балая.

Унеслі змены ў нашумелы дэкрэт аб дармаедстве. Аляксандр Лукашэнка падпісаў дэкрэт №1, якім уносяцца змены ў дэкрэт “Аб прадухіленні сацыяльнага ўтрыманства”, паведамляе прэс-служба прэзідэнта.

У дэкрэце ўдакладнілі спіс тых, хто не павінен плаціць падатак за няўдзел у фінансаванні дзяржаўных выдаткаў. Сярод іх:

1. Тыя, хто значыцца ў спісачным складзе нацыянальнай або зборнай каманды Беларусі па відах спорту.

2. Хто праходзіць альтэрнатыўную службу.

3. Беспрацоўных, якія стаяць на ўліку ў цэнтры занятасці або праходзяць навучанне па накіраванні органа па працы, занятасцi i сацыяльнай абароне, не будуць адносіць да дармаедаў толькі “пры адсутнасці устаноўленых фактаў парушэння імі абавязкаў у галіне занятасці насельніцтва”.

4. Бацькі, якія выхоўваюць дзяцей да сямі гадоў, не будуць плаціць падатак толькі ў выпадку, калі дзіця ва ўзросце ад трох да сямі гадоў не атрымлівае дашкольную адукацыю.

5. Мясцовыя выканаўчыя або распарадчыя органы могуць вызваляць ад выплаты збору тых, хто знаходзіцца ў цяжкай жыццёвай сітуацыі.

Перанеслі крайні тэрмін накіравання паведамлення на выплату падатку на 20 студзеня гэтага года (раней – 1 лістапада мінулага года). Тэрмін выплаты збору перанеслі на 20 лютага 2017 года (раней – да 1 снежня мінулага года).

«Наша Ніва» паводле .

Абмеркаваць
comments powered by HyperComments
Новае на сайце