weather 5° Маладзечна
weather 5° Вілейка
weather 10° Смаргонь
weather 5° Ашмяны
weather 9° Валожын
weather 5° Мядзел
weather 10° Астравец
Падпіска
на друкаванае выданне
1 еўра 2.46
1 долар 2.1177
100 рас.руб. 3.2257
30.01.2017 12:50 ,

Бацькоўскім камітэтам забаранілі збіраць грошы: што зменіцца ў садках і школах Вілейшчыны

Вілейскія школьнікі. Фота Аксаны Ярашонак.

Ад 20 студзеня пастановай №126 Мінадукацыі бацькоўскім камітэтам афіцыйна забаранілі збіраць грошы ў школах і дзіцячых садках.

Намеснік начальніка аддзела адукацыі спорту і турызму Вілейскага райвыканкама Ірына Лобан карэспандэнтам нашай газеты сітуацыю пракаментавала так:

– Для школ і садкоў Вілейшчыны нічога не зменіцца. Яшчэ да гэтай пастановы Міністэрства адукацыі грошы ў Вілейскім раёне збіралі апякунскія рады.

Па словах намесніка начальніка, кожная школа і садок у Вілейцы маюць свой рахунак. На яго ў ашчаднай касе бацькі пералічваюць грошы. Пасля ў школу ці садок трэба прынесці квітанцыю. Можна плаціць штомесячна, можна заплаціць на некалькі месяцаў наперад.

Не радзей, чым раз у паўгоддзе, прадстаўнікі апякунскай рады праводзяць сход. У вілейскай гімназіі “Логас” распавялі, што ў іх такі сход адбыўся ў лістападзе мінулага года, наступны запланавалі на май.

На кожным сходзе даюць справаздачу пра паступленне і расходаванне грошай, якія бацькі 1-11 класаў сабралі за паўгоддзе. Апякунскія рады павінны дбаць пра матэрыяльна-тэхнічную базу ў школе, паляпшэнне ўмоў працы для настаўнікаў.

Што ж у такім разе робяць бацькоўскія камітэты? У іх, згодна з Палажэннем, і не было функцыі збіраць грошы з бацькоў. Толькі кансультацыі, дапамога, узаемадзеянне.

Прадстаўнікі бацькоўскага камітэта кансультуюць іншых бацькоў, дзеляцца лепшым досведам сямейнага выхавання.

Яны таксама павінны дапамагаць педагогам праводзіць спартыўныя спаборніцтвы, забаўляльныя мерапрыемствы ў класах. Сумесна з настаўнікамі праводзяць прафілактыку правапарушэнняў. Напрыклад, ажыццяўляюць бацькоўска-настаўніцкі патруль у час вячэрніх дыскатэк.

І яшчэ адно адрозненне. У склад бацькоўскага камітэта ўваходзяць толькі бацькі або законныя прадстаўнікі вучняў – па адным чалавеку ад класа. А апякунская рада школы складаецца як з бацькоў, так і з настаўнікаў, прадстаўнікоў грамадскіх аб’яднанняў.

Абмеркаваць
comments powered by HyperComments
Новае на сайце