Міліцыянеры ў Мядзеле выратавалі з палаючага дому пяцігадовага Пашу

Здарэнне адбылося 25 сакавіка.

Ноччу ў аператыўна-дзяжурную службу паведамілі, што гарыць дом па вуліцы Нарачанскай у райцэнтры. Дзяжурны перадаў паведамленне нараду групе затрымання Мядзельскага аддзялення аховы.

Міліцыянер-кінолаг Віталь Чарняўскі і міліцыянер-вадзіцель Сяргей Алаў першыя прыехалі на месца пажару.

Гарэў адзін з пакояў, а ўсё памяшканне было задымленым. Пачуўшы крыкі аб дапамозе, міліцыянеры зайшлі ў ахоплены полымем дом.

Эвакуявалі жыхароў, якія сказалі, што ў адным з пакояў засталося малое дзіця.

Не чакаючы выратавальнікаў, міліцыянеры вярнуліся ў дом за пяцігадовым Пашам.

Напуджанае дзіця яны вынеслі з палаючага дому і перадалі нараду МНС, які толькі пад’ехаў.

Выратаваныя людзі перадалі падзяку міліцыянерам.

Чытайте таксама

Абмеркаваць