weather 21° Маладзечна
weather 21° Вілейка
weather 24° Смаргонь
weather 21° Ашмяны
weather 24° Валожын
weather 21° Мядзел
weather 24° Астравец
Падпіска
на друкаванае выданне
1 еўра 2.3183
1 долар 1.9766
100 рас.руб. 3.1652
09.04.2018 16:04 ,

У Маладзечне пройдзе конкурс маладых скрыпачоў

На ІІ Адкрытым конкурсе маладых выканаўцаў імя М.К.Агінскага (група аркестравых струнных смычковых інструментаў), які пройдзе на базе Маладзечанскага музычнага каледжа імя М.К.Агінскага, наш рэгіён будуць прадстаўляць 8 чалавек: двое – малодшая група, шасцёра – старэйшая.

Канкурсанты з Маладзечна і Вілейкі, разам з іншымі 75 музыкантамі, якія прадстаўляюць розныя навучальныя ўстановы Беларусі.

Гэта старэйшыя класы дзіцячых школ мастацтваў, гімназій-каледжаў з Бабруйску, Брэста, Вілейкі, Гродна, Жлобіна, Магілёва, Маладзечна, Мінска, Салігорска, Слуцка. Старэйшая група складаецца з навучэнцаў музычных каледжаў і каледжаў мастацтваў з Брэста, Віцебска, Гомеля, Гродна, Ліды, Магілёва, Маладзечна, Мінска, Наваполацка, а таксама з канкурсантаў, якія вучацца ў музычным вучылішчы імя М.А.Рымскага-Корсакава (Санкт-Пецярбург, Расія).

Конкурснае журы складаецца з вядомых музыкантаў-выканаўцаў, выкладчыкаў і прафесароў Беларускай дзяржаўнай акадэміі музыкі.

Праслухоўванні маладых выканаўцаў-салістаў будуць праводзіцца на працягу двух дзён (13-14 красавіка) у залах Маладзечанскага музычнага каледжа імя М.К.Агінскага і ў канцэртнай зале дзіцячай школы мастацтваў Маладзечна.

Запрашаем аматараў музыкі на Канцэрт-адкрыццё ІІ Адкрытага конкурса маладых выканаўцаў імя М.К. Агінскага (група аркестравых струнных смычковых інструментаў).

Урачыстасць адбудзецца 13 красавіка, у пятніцу, у 18-30, у Вялікай канцэртнай зале Маладзечанскага музычнага каледжа імя М.К. Агінскага. Уваход вольны.

Цікавая праграма канцэрта падрыхтавана Заслужаным калектывам Рэспублікі Беларусь сімфанічным аркестрам музычнага каледжа, галоўны дырыжор – Рыгор Сарока.

Атмасфера конкурса накіраваная для творчага станаўлення маладых выканаўцаў. Кожны можа адчуць адчуць як сцэнічнае хваляванне, так і асалоду ўласнага майстэрства, пазнаёміцца з іншымі музыкантамі і іх настаўнікамі. Менавіта гэта і прыносіць станоўчыя вынікі!

Абмеркаваць
comments powered by HyperComments
Новае на сайце