weather 11° Маладзечна
weather 11° Вілейка
weather 18° Смаргонь
weather 11° Ашмяны
weather 15° Валожын
weather 11° Мядзел
weather 18° Астравец
Падпіска
на друкаванае выданне
1 еўра 2.4436
1 долар 2.0884
100 рас.руб. 3.1453
15.08.2018 14:41 ,

«Балы за заданне абітурыент будзе ведаць загадзя». Як будзе мяняцца сістэма падліку балаў на ЦТ

Сёлета Рэспубліканскі інстытут кантролю ведаў апрабаваў новую методыку падліку вынікаў ЦТ.

Пра гэта на прэс-канферэнцыі распавяла першы намеснік дырэктара РІКВ Наталля Вайцяховіч.

Перш за ўсё Наталля Вайцяховіч ўдакладніла: вынікі ЦТ гэтага года ацэньваліся па ранейшай методыцы, «якая зацверджаная загадам міністэрства адукацыі і выкарыстоўвалася на працягу больш за 12 гадоў».

— Мы можам казаць пра мадэльную апрабацыю. Вынікі сёлетняга ЦТ былі разлічаны і па ранейшай, і па новай методыцы.

У чым яна заключаецца? Галоўным перавагай новай сістэмы падліку Наталля Вайцяховіч называе празрыстасць.

— Вынікі будуць больш празрыстымі. Кожнаму заданню з варыянту тэста будзе прысвойвацца першасны бал, які абітурыенты змогуць убачыць яшчэ да пачатку цэнтралізаванага тэставання. Ён будзе вызначаны і зацверджаны спецыфікацыяй, якую штогод зацвярджае Міністэрства адукацыі. Затым у працэсе праверкі работ абітурыентаў будуць уведзеныя каэфіцыенты. Далей будзе разлічаны тэставы выніковы бал. Свой ранг абітурыенты змогуць убачыць у нас на сайце.

Методыка, падкрэсліла Наталля Вайцяховіч, у сусветнай практыцы не новая: яна выкарыстоўваецца ў многіх краінах. Выкарыстоўваць яе ў Беларусі могуць пачаць ужо ў наступным годзе.

— У выніках мадэльнай апрабацыі мы ўбачылі шмат плюсаў. Пытанне знаходзіцца ў стадыі рашэння.

Цяпер, нагадаем, пры ацэнцы пытання ўлічваецца ў тым ліку і тое, колькі чалавек адказалі на яго правільна.

Абмеркаваць
comments powered by HyperComments
Новае на сайце