weather 11° Маладзечна
weather 11° Вілейка
weather 18° Смаргонь
weather 11° Ашмяны
weather 15° Валожын
weather 11° Мядзел
weather 18° Астравец
Падпіска
на друкаванае выданне
1 еўра 2.4436
1 долар 2.0884
100 рас.руб. 3.1453
15.08.2018 10:15 ,

Калі гаспадыня даіла карову, зверху паляцелі іскры: у Балашах, на Вілейшчыне, здарыўся пажар

Фота mnogoznay.ru.

13 жніўня каля пяці раніцы жыхарка вёскі Балашы Крывасельскага сельсавета пайшла даіць карову. Раптам са столі хлява паліцелі іскры і знікла святло.

Тут жа жанчына заўважыла, што ў другой частцы хлява загарэлася сена, якое там захоўвалі.

Гаспадыня прынесла вядро вады і заліла агонь. Пажар быццам бы спыніўся. Але пакуль жанчына прынесла другое вядро, сена ўжо гарэла адкрытым полымем.

– Гаспадыня ўжо немаладая, ёй 77 гадоў, хадзіць цяжка, –  распавёў «Рэгіянальнай газеце» галоўны спецыяліст інспекцыі нагляду і прафілактыкі Дзяніс Гаўрышчук. – Пакуль яна ішла, суседзі ўжо самі выклікалі выратавальнікаў.

Прыехала чатыры аўтацыстэрны і хуткая дапамога.

У выніку пажару хлеў разам з сенам згарэў. Карова і гаспадыня не пацярпелі.

Каб пазбегнуць падобных здарэнняў, супрацоўнікі Вілейскага РАНС нагадваюць:

  • свяцільнікі ў хлявах абавязкова павінны быць з плафонамі
  • злучаць усе правады неабходна з дапамогай спецыяльных зажымаў, зваркі або пайкі
  • нельга злучаць правады розных відаў, напрыклад, алюміневы з медным
  • нельга выкарыстоўваць старую электраправодку.

 

 

Абмеркаваць
comments powered by HyperComments
Новае на сайце