weather 2° Маладзечна
weather 2° Вілейка
weather 3° Смаргонь
weather 2° Ашмяны
weather 2° Валожын
weather 2° Мядзел
weather 3° Астравец
Падпіска
на друкаванае выданне
1 еўра 2.395
1 долар 2.1102
100 рас.руб. 3.1973
17.08.2018 09:21 ,

У турме за дзень да вызвалення памерла суддзя, якую прысудзілі да 13 гадоў

Фота.tut.by.

У 2016 годзе Вярхоўны суд прысудзіў Алену Мельнікаву да 13 гадоў калоніі агульнага рэжыму. Жанчына праходзіла па «справе суддзяў», яе прызналі вінаватай у атрыманні хабараў, хоць сама Мельнікава падчас працэсу віну адмаўляла.

— Алена памерла сёння ноччу ў калоніі. Заўтра яе павінны былі вызваліць, а спецыяльная машына — адвезці на лячэнне ў анкадыспансер, — распавядае TUT.BY знаёмы сям’і.

Вясной 2016 года Вярхоўны суд слухаў крымінальную справу ў дачыненні да сваіх былых калегаў. На лаве падсудных апынуліся суддзі Эканамічнага суда Мінска 38-гадовы Юрый Грушэцкі і 54-гадовая Алена Мельнікава. Калі першы фігурант цалкам прызнаў сваю віну ў атрыманні хабараў на суму 68 тысяч долараў, то Алена Мельнікава адмаўляла, што зацікаўленыя асобы перадалі ёй 13 800 даляраў. З абвінавачваннем жанчына была цалкам не згодная.

Вярхоўны суд прыгаварыў Грушэцкага да 11 гадоў пазбаўлення волі, Мельнікаву — да 13.

— Алена адбывала пакаранне ў Гомельскай жаночай калоніі, летам стала рыхтаваць дакументы па нагляднай скарзе, але ў чэрвені пачала скардзіцца на болі ў жываце. Яна і так была худой, а тут раптам рэзка схуднела, згарэла. Толькі ў жніўні дачка змагла дамагчыся яе абследавання, дыягнаставалі анкалагічнае захворванне, 4-ю стадыю. Хутка сталі рыхтаваць дакументы на яе вызваленне, хутка іх падпісалі, гэта значыць на паперах на сёння Алена ўжо не лічыцца ў калоніі, хоць там знаходзілася да самай смерці. Заўтра яе павінны былі вызваліць, на гэты дзень замовілі спецыяльную машыну, якая б адвезла яе ў Мінск у анкадыспансер, — кажа знаёмы сям’і Алены Мельнікавай.

Абмеркаваць
comments powered by HyperComments
Новае на сайце