weather 11° Маладзечна
weather 11° Вілейка
weather 8° Смаргонь
weather 11° Ашмяны
weather 7° Валожын
weather 11° Мядзел
weather 8° Астравец
Падпіска
на друкаванае выданне
1 еўра 2.4279
1 долар 2.1098
100 рас.руб. 3.2157
04.10.2018 15:11 ,

Каляндар Павілля. Скарына выдаў «Прытчы Саламона», Мядзел атрымаў магдэбургскае права

Падборка значных падзей для нашага рэгіёна.

5 кастрычніка

Іосіф Гашкевіч

1872. У вёсцы Малі (цяпер Астравецкі раён) памёр Іосіф Гашкевіч, дыпламат, мовазнаўца, даследчык Японіі і Кітая, натураліст. Пахаваны ў Астраўцы, дзе яму пастаўлены бюст. У Вільні пахаваны яго сын, Іосіф Іосіфавіч.

Нарадзіўся ў 1814 годзе. У г. Хакадатэ на в. Хакайда Іосіфу Гашкевічу пастаўлены помнік.

У 1994 годзе помнік Гашкевічу адкрыты ў Астраўцы(скульптар Ф. Янушкевіч). Яго імём названы заліў у Карэі і некаторыя адкрытыя ім віды рэдкіх насякомых. У Мінску імем Гашкевіча названыя вуліца і сад.

6 кастрычніка

1517. У Празе Францыск Скарына выдаў “Прытчы Саламона”.

1745. Нарадзіўся Францішак Смуглевіч (Варшава), жывапісец, графік, педагог, які працаваў у Беларусі, заснавальнік беларускай і літоўскайнацыянальнай школ жывапісу. Памёр 6 (18) верасня 1807 года. Пахаваны на могліках Росы ў Вільні.

Мядзел

1876. Нарадзіўся Ян Булгак, беларускі і польскімайстар мастацкай краязнаўчай фатаграфіі, «бацька польскай фатаграфіі», адзін з піянераў польскай мастацкай фатаграфіі, этнограф, фалькларыст.

У 1915 годзе выйшаў альбом у 6 тамах «Літва ў здымках Яна Булгака», якія ён рабіў у 1905 – 1911 гадах, і дзе змешчана больш за 270 здымкаў. Сярод якіх Навагрудак, Мір, Нясвіж, Свіцязь, Крэва, Вілейка, Тракай. Памёр 4 лютага 1950 года, пахаваны ў Варшаве.

7 кастрычніка

230 гадоў з дня нараджэння Івана Насовіча (1788 – 1877), беларускага мовазнаўца, лексікографа, фалькларыста і этнографа.

75 гадоў з дня нараджэння Яўгена Шыпілы (1943 – 1999), беларускага акцёра, народнага артыста Беларусі.

1765. Нарадзіўся Міхал Клеафас Агінскі (мястэчка Гузава, цяпер Жырардоўскі павет Мазавецкага ваяводства, Польшча), дзяржаўны дзеяч Рэчы Паспалітай, кампазітар, удзельнік паўстання 1794 года.

8 кастрычніка

1943. У савецкім канцлагеры памёр Андрэй Мрый (сапраўднае Шашалевіч), пісьменнік. Нарадзіўся ў 1893 годзе.

1991. Памерла Зоська Верас (сапраўднае Людвіка Сівіцкая, па мужу Войцікава), пісьменніца, грамадска-культурны дзеяч. Пахаваная на могілках Панерай у Вільні. Пражыла 99 гадоў.

10 кастрычніка

1881. Нарадзіўся Ян Тарчэўскі (вёска Асінаўка, цяпер Ашмянскі раён), грамадскі дзеяч, нашанівец, настаўнік. На нацыянальны грунт Тарчэўскі прыйшоў праз творчасць Францішка Багушэвіча, быў параднёны з Багушэвічавым родам, меў шлюб з Марыяй, дачкой Францішкавай сястры Ганны. Багушэвічаву асобу лічыў узорам служэньня Радзіме, узорам грамадзянства.

Доўгі час у засьценку Тарчэўскага перахоўвалася Багушэвічава бібліятэка, сямейны Багушэвічаў альбом, мэдальёны з імёнамі святых, шпалеры…

11 кастрычніка

Эдзі Агняцвет

1978. 40 гадоў назад адкрыты Купалаўскі мемарыяльны запаведнік “Ляўкі”. Створаны на базе філіяла Літаратурнага музея Янкі Купалы.

Абмеркаваць
comments powered by HyperComments
Новае на сайце