weather 3° Маладзечна
weather 3° Вілейка
weather 1° Смаргонь
weather 3° Ашмяны
weather 0° Валожын
weather 3° Мядзел
weather 1° Астравец
Падпіска
на друкаванае выданне
1 еўра 2.4377
1 долар 2.1564
100 рас.руб. 3.2572
11.02.2019 13:39 ,

Фотафакт: Жыхары Маладзечанскага раёна зляпілі гіганцкага снегавіка

Фота vk.com/molodechnolive.

Вышыня снежнай скульптуры амаль сем метраў і тры метры ў дыяметры.

Новая славутасць у Маладзечанскім раёне з’явілася на полі ў Красным. Як расказала карэспандэнту МЛЫН.BY адна з аўтараў Ірына Чаеўская, ідэя прыйшла з інтэрнэту, дзе папулярны ютубер абвясціў конкурс з прызам у 100 000 расійскіх рублёў за самага вялікага снегавіка.

— На працу сышоў цэлы тыдзень і больш за 500 снежных шароў, кожны з якіх каля 40 сантыметраў у дыяметры. Снегавіка зляпілі на полі побач з вёскай, каб як мага менш людзей змаглі яго ўбачыць і неспадзявана пашкодзіць канструкцыю, — кажа Ірына.

Фота vk.com/molodechnolive

Таксама яна адзначыла, што ляпіць снегавіка было цяжка, віной таму адліга.

Усю працу зрабілі сем чалавек: чацвёра дарослых і трое дзяцей. Ляпілі ўручную без дапамогі тэхнікі. Выкарыстоўвалі лесвіцу, рыдлёўкі, вяроўкі, санкі і вёдры.

Шалік для снегавіка сплялі са старых штор. Вочы, рот і гузікі ў персанажа з кардона, які пафарбавалі чорнай фарбай. Вусы і валасы зрабілі з хваёвых галінак.

Дзеці назвалі скульптуру Сцёпам.

— Спадзяюся, да лета прастаіць, — кажа з усмешкай Ірына Чаеўская, — калі толькі тэхніка не будзе засяваць гэты ўчастак поля.

Каментуйце публікацыю ў сацыяльных сетках!
               
Новае на сайце