Пошук па сайту
Мы ў сетках:
Маладзечна +11° Маладзечна
Вілейка +10° Вілейка
Смаргонь +10° Смаргонь
Ашмяны +11° Ашмяны
Валожын +11° Валожын
Мядзел +11° Мядзел
Астравец +10° Астравец
Грамадства
Вілейка
7.01.2017 14:50 ,AЎТАР(Ы): Аксана ЯРАШОНАК

Не хочаце ў спадчыну, тады – на дровы: што робяць са старымі дамамі на Вілейшчыне

Кінутая хата ў вёсцы Роткавічы Смаргонскага раёна. Фота Ігара Мароза

Кінутая хата ў вёсцы Роткавічы Смаргонскага раёна. Фота Ігара Мароза.

Наколькі актуальная для вёсак Вілейшчыны праблема старых дамоў?

Па словах Аляксандра Маліноўскага, старшыні Даўгінаўскага сельсавета, праблема старых дамоў тут надзвычай актуальная. На тэрыторыі шмат вёсак.

– Як ні балюча пра гэта гаварыць, але многія вёскі дажываюць, – дзеліцца старшыня.

Прызнанне дома старым прыбавіць клопатаў сельсавету

Па яго словах, у вёсках, што стаяць на беразе Віліі, як, напрыклад, Камена, праблем са старымі недагледжанымі дамамі няма. Шмат хто хоча набыць іх у вёсцы побач з ракой і лесам.

А вось, што да вёсак на мяжы з Віцебскай вобласцю, на іх попыту няма.

Гаспадары хат паміраюць, а дзеці не хочуць уступаць у спадчыну.

І гэта таму, лічыць Аляксандр Маліноўскі, што, калі дзеці афармляюць дом у спадчыну, яны павінны плаціць падаткі за яго. І не маленькія. Бацькі, якія жылі тут, грошай не плацілі, бо пенсіянераў вызваляюць ад такіх падаткаў.

Дзеці разумеюць, кажа старшыня, што часта стары бацькоўскі  дом немагчыма прадаць. Раз у год яны прыязджаюць, абкошваюць участак. І ніякіх прэтэнзій, калі ў двары абкошана, сельсавет прад’явіць не можа.

– Безумоўна, мы працуем са спадчыннікамі, адшукваем іх, прапануем афармляць у спадчыну дом. Але чалавек можа сказаць, што цяпер у яго няма грошай на афармленне. І прымусіць яго мы ніяк не можам, – кажа Аляксандр Маліноўскі.

Часам дзеці пішуць дакументы, у якіх адмаўляюцца ад дома. Тады непатрэбнае старое жытло можна знесці. Работнікі сельсавета робяць гэта з дапамогай спецыяльнай тэхнікі. Драўніну аддаюць на дровы калгасу або старым людзям.

Кінутая хата ў Бараўцах на Вілейшчыне. Фота Ігара Мароза.

Кінутая хата ў Бараўцах на Вілейшчыне. Фота Ігара Мароза.

Можна, канешне, без спадчыннікаў афіцыйна прызнаць жытло старым і знесці яго, але гэта не лепшы варыянт, упэўнены старшыня Даўгінаўскага сельсавета. Працэдура зойме каля двух гадоў.  Плюс матэрыяльныя выдаткі.

Суд афіцыйна прызнае дом старым. А ў выніку яго “павесяць” на сельсавет. Супрацоўнікам трэба будзе рабіць пашпарт на дом, бо ў большасці яго няма. А тады зноў, кажа старшыня, трэба думаць, што рабіць з гэтым дамком. Добра, калі яго купяць з аўкцыёна. Але гэта мала верагодна. Атрымаецца, што бюджэтныя грошы ў зямлю закапалі.

Пакупнікоў вабіць прырода і блізкасць да сталіцы

Па словах Аляксандра Маліноўскага, у іншых сельсаветах былі выпадкі, калі пасля афіцыйнага зносу старога дома раптам з’яўляліся спадчыннікі і падавалі ў суд на ўлады.

Пэўныя праблемы, на думку Аляксандра Маліноўскага, узнікаюць, што па дакументах людзям, каб уступіць у спадчыну, даецца тры гады. Гэта вельмі шмат, упэўнены старшыня.

У Ільянскім сельсавеце, расказаў старшыня Мікалай Русак, праблема старых будынкаў не вельмі вострая, але ёсць. За гэты год у вёсках сельсавета знеслі восем дамоў. Афіцыйна старымі прызнаныя 22.

Калі магчымыя спадчыннікі пішуць адмову ад дома, яго зносяць. Участак на тым месцы прыводзяць у парадак. Увесь матэрыял, які можна выкарыстаць, бяруць для ацяплення фермаў.

Часам участак ад знесенага дома сельсавет можа прадаць. Па словах Мікалая Русака, участкі ў вёсках сельсавета цяпер недарагія. Але і вялікага попыту на іх няма.

Адмовы ад спадчыны здараюцца ў бесперспектыўных вёсках, дзе няма добрай інфраструктуры. У Ільі ж дамы звычайна набываюць для лецішча: аграгарадок гэты ўпарадкаваны, ёсць магазіны. Побач лес, рака, вадасховішча. Ды і блізкасць ад сталіцы вабіць пакупнікоў.

– Як старшыня Вілейскага Савета дэпутатаў, я зацікаўленая ў тым, каб дамы ў вёсках не зносілі, а набывалі. – кажа Наталля Радзевіч.

Па яе словах, дачнікі заўсёды добра даглядаюць дамы. І тады яны ўпрыгожваюць вёскі.

У Вілейскім раёне за 11 месяцаў гэтага года знеслі 52 дамы.

У самой Вілейцы, па словах галоўнага архітэктара Дзмітрыя Гарланава, афіцыйна дамы старымі не прызнавалі.

 

 

 

Абмеркаваць
Каментар (0) / Дадаць каментар
Дадаць каментар
Новае на сайце