Пошук па сайту
Мы ў сетках:
Маладзечна +1° Маладзечна
Вілейка +2° Вілейка
Смаргонь +2° Смаргонь
Ашмяны +2° Ашмяны
Валожын +1° Валожын
Мядзел +2° Мядзел
Астравец +2° Астравец
7.01.2017 07:56 ,AЎТАР(Ы): Аксана ЯРАШОНАК

Землятрус у Астраўцы і дэфіцыт солі ў рэгіёне: што прыносіў нам год Пеўня

У 2005 годзе ў Вілейцы дэмантавалі кола агляду. Фота з архіва РГ

У 2005 годзе ў Вілейцы дэмантавалі кола агляду. Фота з архіва РГ.

Калі верыць усходняму календару, сімвалам 2017 года стане Чырвоны Вогненны Певень.

Якім будзе новы год, мы яшчэ не ведаем. Затое, прыгадаўшы гісторыю рэгіёна, можам сказаць, што прыносіў нам Певень у іншыя гады.

1909

Па словах старшага навуковага супрацоўніка Вілейскага краязнаўчага музея Вольгі Коласавай, год Землянога Жоўтага Пеўня быў у нашым рэгіёне даволі спакойным. У Вілейцы і іншых гарадах Павілля пачало з’яўляцца больш мураваных будынкаў.

Мікалаеўскі касцёл у Свіры на Мядзельшчыне. Фота svirsky.ru.

Мікалаеўскі касцёл у Свіры на Мядзельшчыне. Фота svirsky.ru.

У Вільні адбылася першая сустрэча актрысы і настаўніцы Паўліны Мядзёлкі з Мя­дзельшчыны і паэта Янкі Купалы.

У Свіры на Мядзельшчыне перабудавалі Мікалаеўскі касцёл.

Па меркаваннях навукоўцаў, у Астравец Земляны Жоўты Певень прынёс землятрус у сем балаў.

1921

У год Металічнага Белага Пеўня ўвесь рэгіён, паводле Рыжскага мірнага дагавора, адышоў да Польшчы.

Былая польская гімназія імя Генрыха Сянкевіча ў Вілейцы. Фота Аксаны Ярашонак.

Былая польская гімназія імя Генрыха Сянкевіча ў Вілейцы. Фота Аксаны Ярашонак.

У гарадах з’яўляюцца вуліцы 3 Мая (Дзень Канстытуцыі), Юзафа Пілсудскага. У Вілейцы пачынае працаваць польская гімназія імя Генрыха Сянкевіча. Будынак гімназіі захаваўся да нашага часу. Сёння там месціцца Цэнтр дадатковай адукацыі дзяцей і моладзі.

 

1933

Ці думаў Прэзідэнт Польшчы Ігнацій Масціцкі пра тое, што 1933 год – гэта год Вадзянога Чорнага Пеўня, невядома. Але ў Вілейку і ў Ілью ён прыехаў менавіта тады.

Прэзідэнт Польшчы Ігнацій Масціцкі (першы злева) на абедзе ў пана Тукалы ў Асцюковічах. 1933 год. Фота radzima.org.

Прэзідэнт Польшчы Ігнацій Масціцкі (першы злева) на абедзе ў пана Тукалы ў Асцюковічах. 1933 год. Фота radzima.org.

Прыехаў на адкрыццё помніка-капліцы паўстанцам 1863 – 1864 гадоў, што загінулі ля вёскі Уладыкі. Масціцкага сфатаграфаваў вілейскі фатограф Берка Берман. За што ў 1939 годзе яго арыштавалі савецкія ўлады: у фотамайстэрні Бермана вісеў партрэт Масціцкага. Помнік не захаваўся. У 1950-я гады яго разбурылі.

1933 год. Адкрыццё помніка паўстанцам 1863-1864 гадоў у Ільі на Вілейшчыне. Фота radzima.org.

1933 год. Адкрыццё помніка паўстанцам 1863-1864 гадоў у Ільі на Вілейшчыне. Фота radzima.org.

У гэтым жа годзе ў Баярах на Ільяншчыне нарадзіўся паэт член Саюза пісьменнікаў БССР Іван Лашутка.

1945

Перамогу ў Вялікай Айчыннай вайне прынёс Сіне-Зялёны Драўляны Певень.

Рэгіён, разбураны ў вайну, адбудоўваюць.

У Вілейцы прынялі рашэнне пра будаўніцтва сярэдняй школы на 400 чалавек, пачалі выдаваць вілейскую раённую газету.

У 1945 годзе выйшла кніга След бліскавіцы паэта з Мядзельшчыны Максіма Танка. Фота padabayki.na.by.

У 1945 годзе выйшла кніга След бліскавіцы паэта з Мядзельшчыны Максіма Танка. Фота padabayki.na.by.

У Мядзеле запрацавала раённая бальніца на 25 ложкаў.

Выйшла кніга паэта з Мядзельшчыны Максіма Танка “След бліскавіцы”.

Старыя дакументы зафіксавалі ў гэтым годзе вялікі дэфіцыт солі. Бандыты, якія ў гэты час абрабавалі рыбны завод, скралі ўсю вэнджаную рыбу і соль.

У Астраўцы адчынілі райпрамкамбінат і дрэваапрацоўчае прадпрыемства, у Ашмянах – педвучылішча.

1957

Сімвалам года, як і надыходзячага, быў Чырвоны Вогненны Певень. У рэгіёне стала менш раёнаў. Бо да Вілейскага далучылі Ільянскі.

Сельгастэхнікум у Ільі прыняў першых навучэнцаў.

1969

У год Землянога Жоўтага Пеўня на Мядзельшчыне адкрылі дзіцячы рэспубліканскі лагер “Зубраня” і музей народнай славы.

Лагер Зубраня адчыніўся ў 1969 годзе. Фота Solvex.

Лагер Зубраня адчыніўся ў 1969 годзе. Фота Solvex.

1981

У год Металічнага Белага Пеўня Вілейскі малаказавод пераехаў у новы будынак,  дзе працуе да сённяшняга дня.

Археолаг Міхаіл Ткачоў знайшоў месца, дзе знаходзіўся старажытны горад Мядзел на востраве возера Мястра.

1993

У гэтым годзе Певень быў Вадзяным і Чорным. Што ён прынёс у рэгіён? Новую экспазіцыю вілейскаму краязнаўчаму музею, дзе з’явіліся раздзелы “Час”, “Вытокі”, “Вілія”.

У Астраўцы правялі даследаванне, паводле якога пляцоўку для будаўніцтва атамнай электрастанцыі аб’явілі неспрыяльнай.

2005

Гэты год адзначыўся здымкамі фільма “Апошні браняпоезд” з акцёрам Андрэем Паніным. Кадры здымаліся ля чыгуначнага моста праз Вілію. А ў “Рэгіянальнай газеце” з’явілася інтэрв’ю з Паніным.

Андрэй Панін на здымках фільма ля Вілейкі. 2005 год. Фота з архіва РГ.

Андрэй Панін на здымках фільма ля Вілейкі. 2005 год. Фота з архіва РГ.

У вілейскім парку дэмантавалі кола агляду.

А ў Мядзеле прайшоў музычны фестываль “Адна зямля”.

Абмеркаваць
Каментар (0) / Дадаць каментар
Дадаць каментар
Новае на сайце