Пошук па сайту
Мы ў сетках:
Маладзечна +2° Маладзечна
Вілейка +1° Вілейка
Смаргонь +2° Смаргонь
Ашмяны +3° Ашмяны
Валожын +3° Валожын
Мядзел +1° Мядзел
Астравец +2° Астравец
Культура
Вілейка
11.02.2017 13:24 ,AЎТАР(Ы): Аксана ЯРАШОНАК

Вілейшчына – антысавецкі куткок, зразумела, адкуль тут столькі беларускіх пісьменнікаў: пра што гутарыў з віляйчанамі Зміцер Бартосік

Фота svaboda.org.

Як новая кніга журналіста і барда Змітра Бартосіка звязаная з Вілейшчынай, творца распавёў на нядаўняй сустрэчы з жыхарамі горада.

Вілейка, па словах журналіста, не чужая яму. Упершыню Зміцер быў у горадзе ў 2001 годзе. Тады выступаў у зале Палаца культуры. І народу была – поўная зала.

Цяпер жа на сустрэчу людзей прыйшло менш, чалавек трыццаць. Былі і моладзь, і людзі сталага ўзросту.

Слухалі мяне ўважліва, калі трэба было смяяцца, смяяліся, пажартаваў Бартосік.

На сустрэчы Зміцер і Усевалад Сцебурака, паэт, дзяцінства якога прайшло ў Вілейцы, расказалі пра новую кнігу Бартосіка “Быў у пана верабейка гаварушчы”. Кніга – гэта своеасаблівыя падарожныя нататкі.

Зміцер Бартосік у Вілейцы. Фота Усевалада Сцебуракі.

Зміцер Бартосік у Вілейцы. Фота Усевалада Сцебуракі.

Зміцер Бартосік, рыхтуючы радыёпраграму “Падарожжы Свабоды”, пабываў прыкладна ў 500 вёсках Беларусі. Вілейшчына паказаная ў кнізе вёскамі Суднікі, Навасёлкі, Сакалоўка і Касцяневічы.

– Ёсць такія вёскі, – распавёў Зміцер, – якія вельмі ўражваюць і запамінаюцца надоўга.

Да такіх, па словах журналіста, адносяцца Суднікі, што на Вілейшчыне. Гэта вёска “зачапіла” Змітра не столькі ваеннай, як пасляваеннай гісторыяй. Запомнілася, што ў 1945-1946 гадах там яшчэ напоўніцу ішла “вайна пасля вайны”. Гучала страляніна, па лясах хаваліся банды, людзі, якія не хацелі ісці служыць у савецкую армію, выступалі супраць саветаў. Прычым гэта быў не адзін чалавек, не два, а цэлыя атрады.

– Як прыгадаеш, якім антысавецкім кутком была Вілейшчына, адразу разумееш, адкуль тут столькі беларускіх пісьменнікаў і бардаў.

Зміцер Бартосік узгадаў ільянца, краязнаўцу і пісьменніка Уладзіміра Кажамяку. Менавіта ён адкрыў у свой час для журналіста цікавыя вілейскія вёскі, і Суднікі ў тым ліку. З Вілейшчынай для Змітра звязаныя і яго сябры Усевалад Сцебурака, бард і паэт Алесь Наркевіч.

Абмеркаваць
Каментар (0) / Дадаць каментар
Дадаць каментар
Новае на сайце