Пошук па сайту
Мы ў сетках:
Маладзечна +3° Маладзечна
Вілейка +3° Вілейка
Смаргонь +3° Смаргонь
Ашмяны +4° Ашмяны
Валожын +4° Валожын
Мядзел +3° Мядзел
Астравец +3° Астравец
Грамадства
1
10.03.2017 23:01 ,AЎТАР(Ы): Аляксандра ПАРАХНЯ

Марш недармаедаў у Маладзечне: старшыня райвыканкама, прагулка па Брадвею і затрыманні (Фота)

Фота Аляксандры Парахні.

Упершыню ў серыі падобных акцый да пратэстантаў выйшаў прадстаўнік улады. Гэта старшыня Маладзечанскага райвыканкама Аляксандр Яхнавец.

Ён папярэдзіў, што мітынг несанкцыянаваны, і запрасіў дэлегатаў незадаволеных прайсці з пытаннямі ў райвыканкам.

Маладзечанскія праваабаронцы ацанілі колькасць удзельнікаў на Цэнтральнай плошчы ў Маладзечне ў 500-600 чалавек. Падчас шэсця па вуліцы Прытыцкага іх стала болей, каля тысячы.

Маладзечанка Святлана сказала, што на прадпрыемствах пагражалі, што звольняць з працы, калі супрацоўнікі выйдуць.
Але яна прыйшла, бо бачыць, што

"горш няма куды, трэба нешта мяняць".

Праз мегафон прамаўлялі жыхары, многія прыгадвалі аб шматлікіх маладзечанскіх заводах, якія цяпер зачыненыя ці ў разы скарацілі магутнасці. Казалі, што немагчыма знайсці працу.

Пенсіянерка 78 гадоў расказала, што заплаціла падатак за дачку – яе з-за хваробы не бяруць на працу.

– На новы год я ела ліверку з бульбай, гэта быў мой святочны стол.

Сказала, што ў яе статусе пенсіянера ёсць хоць адзін маленечкі плюс: можа выказваць сваю незадаволенасць, не баючыся страціць працу. А пенсію не забяруць.

Маладая сямейная пара прыйшла з дзіцем. У іх ёсць праца, але яны хочуць, каб іх дачка жыла ў лепшых умовах, чым яны. Таму прыйшлі на плошчу.

Агулам сабраліся вельмі розныя людзі. Шмат было мужчын сярэдняга веку, былі пенсіянеры, мамы з вазкамі, моладзь.

Былі людзі, што адмыслова прыехалі з іншых гарадоў – Мінска, Смаргоні, Вілейкі.

Пасля мітынгу арганізатараў затрымалі. У РАУС журналістаў не пусціці і каментароў на гэты конт не далі.

Абмеркаваць
Каментар (1) / Дадаць каментар
11.03.2017 12:33
Любовь Алексеевна / Людей довели до ручки, просто -это предел, цены растут, как на дрожжах, работы нет, а у кого и есть концы с концами не свести,правительство не думает о людях, им все равно, а кто на вас дармаедау- правителяу работать будет?
Дадаць каментар
Новае на сайце