Пошук па сайту
Мы ў сетках:
Маладзечна +16° Маладзечна
Вілейка +16° Вілейка
Смаргонь +16° Смаргонь
Ашмяны +16° Ашмяны
Валожын +16° Валожын
Мядзел +16° Мядзел
Астравец +16° Астравец
Грамадства
18.04.2017 11:41 ,AЎТАР(Ы): Аляксандра ПАРАХНЯ

Раздражняе смецце? Далучайся да акцыі “Зробім!”

Фота gazetairkutsk.ru.

З кім з нас не было такога: ідзеш па парку ці лесе, ці ўздоўж ракі – так прыгожа і хораша! Толькі вось смецце пад нагамі псуе ўсю гармонію. Здаецца, і прыбраць яго не складана, але ж аднаму такую тэрыторыю не ахапіць.

Менавіта для тых, каму смецце рэжа вока ў горадзе і па-за яго межамі, і былі прыдуманыя акцыі ў межах руху “Зробім!”.

“Зробім!” – частка сусветнага руху Let’s Do It!, які аб’ядноўвае 113 краін і 16 мільёнаў валанцёраў. У яго межах ладзяцца акцыі па прыбіранні смецця – у Беларусі яны праводзяцца ад 2012 года. Сёлета бліжэйшы дзень агульнай прыборкі па ўсёй краіне – 22 красавіка. У гэты ж дзень разам з беларусамі прыбіраць сваю краіну будуць жыхары Літвы, Латвіі, Харватыі, Босніі і Герцагавіны.

Як стаць удзельнікам?

Акцыі “Зробім!” прывабліваюць сваёй прастатой – далучыцца да іх можа кожны.

Можна зарэгістравацца ў якасці арганізатара. Для гэта трэба знайсці месца ў вашай мясцовасці, дзе шмат смецця, вызначыць час і месца збору валанцёраў і занесці гэту інфармацыю ў агульны спіс на сайце. І далей пры дапамозе сацыяльных сетак і ўласных кантактаў збіраць ахвотных далучыцца да вас.

Калі вы не хочаце браць на сябе ролю арганізатара, то можна далучыцца ў якасці ­ўдзельніка.

На сайце вы знойдзеце спіс запланаваных прыборак. Знайдзіце найбліжэйшую да вас і звяжыцеся з арганізатарам. Сачыце за інфармацыяй – чым бліжэй да акцыі, тым больш аб’яў пра актуальныя прыборкі бу­дзе з’яўляцца. На сайце вы таксама зможаце знайсці інфармацыю аб тым, як падрыхтавацца да прыбірання і правільна арганізаваць яго.   

У 2017 годзе “Зробім!” не абмяжоўваюцца акцыяй 22 красавіка. Чарговыя прыборкі будуць ладзіцца цягам года, а закрыецца сёлетні сезон 30 верасня.

Арганізатары зазначаюць, што хочуць адысці ад традыцый суботнікаў, якія часта бываюць абавязковымі і выклікаюць хутчэй негатыўныя асацыяцыі. Таму задача “Зробім!” – цікавыя і прывабныя акцыі, падчас якіх прыборка будзе ўспрымацца як свята.

Наш рэгіён – сярод актыўных удзельнікаў

Усебеларускія акцыі “Зробім!” не абмінулі і наш рэгіён.

– Летась актывісты прыбіралі ў Маладзечанскім, Валожынскім і Смаргонскім раёнах, таксама ў Ашмянах, каля курортнага пасёлка Нарач і ў ландшафтным заказніку “Сарачанскія азёры”, – прыгадвае каардынатар валанцёраў Надзея Дубоўская.

– Усяго ў вас прайшло каля 10 прыборак. Ужо вядома, што сёлета актывісты зноў збяруцца ў Нарачы і на Сарачанскіх азёрах.

Рэгістрацыя будзе пачынацца да 22 красавіка. Але арганізатары раяць не адцягваць яе на апошнія дні: чым раней вы зарэгіструецеся, тым больш будзе часу, каб сабраць ахвотных і разрэкламаваць акцыю. Важна таксама адразу вызначыцца з месцам прыбірання – каб іншыя ведалі, якое месца ўжо занятае.

– Сітуацыя ва ўсіх рэгіёнах падобная, – кажа Надзея Дубоўская. –  Вуліцы досыць чыстыя, але калі зазірнуць у зялёную зону, можна натрапіць на раскіданае смецце і нават цэлыя звалкі.
На жаль, у пераважнай большасці гэта наступствы “культурнага” адпачынку людзей.

Праблемы дадаюць дачнікі. У лясах каля дачных кааператываў часта можна пабачыць несанкцыянаваныя звалкі, куды на працягу многіх гадоў скідваюць смецце замест таго, каб цывілізавана наладзіць яго вываз.

Абмеркаваць
Каментар (0) / Дадаць каментар
Дадаць каментар
Новае на сайце