Пошук па сайту
Мы ў сетках:
Маладзечна -3° Маладзечна
Вілейка -3° Вілейка
Смаргонь -3° Смаргонь
Ашмяны -2° Ашмяны
Валожын -2° Валожын
Мядзел -4° Мядзел
Астравец -3° Астравец
Спорт
6.04.2017 15:27 ,AЎТАР(Ы): Наталля ТУР

"Нічога такі “паміжсабойчык” атрымаўся". Хакеіст аматарскай каманды пра трэніроўку з “Дынама-Маладзечна”

На варотах Вячаслаў Арлоўскі

На варотах Вячаслаў Арлоўскі. Фота Alex Eryomenko.

Для аматараў хакея не навіна, што для “дынамаўцаў” сезон завершаны.

Аднак каманда Дзмітрыя Краўчанкі расслабляцца не збіраецца.

30 сакавіка каманда “Дынама-Маладзечна” правяла гульнявую трэніроўку з аматарскай камандай “Дэльта”.

Сваімі ўражаннямі ад гульні падзяліўся варатар каманды “Дэльта” Вячаслаў Арлоў­скі.

– На лёдзе з камандай “Дынама” мы сустракаемся другі раз. У мінулым годзе разам закрывалі хакейны сезон. І сёлета такі харошы “паміжсабойчык” атрымаўся.

За каманду “Дэльта” выказаў жаданне пагуляць і сам Дзмітры Краўчанка.

– Разам з ім гулялі два гульцы. Але калі мне цягам пяці хвілін “дынамаўцы” не маглі забіць ні адной шайбы, Дзмітры смяяўся, маўляў, во якія прафесіяналы, з аматарам справіцца не можаце. Але праз пяць хвілін мяне можна было ўжо вешаць на варотах, я так стаміўся. Калі адзін з нашых хакеістаў, запыхаўшыся, падышоў да гульца з “Дынама” і спытаўся, ці стаміўся той, гулец з “Дынама” зняў шлем. Аказалася, што ён нават не спацеў.

Вячаслаў лічыць, што такія гульні толькі на карысць камандзе.

– Адразу бачна тактыка саперніка, цікава назіраць за імі. Пераймаеш нешта для сябе. Якім бы моцным не быў сапернік, калі ты змагаешся з ім, ты і сам становішся мацнейшым.

Калі “Дынама-Маладзечна” сезон завяршыла, то ў бліжэйшы чацвер аматарскую каманду “Дэльта” чакае самы важны матч сезона –  пешая фінальная гульня з мінскай камандай “К -2 Wind”.

Абмеркаваць
Каментар (0) / Дадаць каментар
Дадаць каментар
Новае на сайце