Пошук па сайту
Мы ў сетках:
Маладзечна +11° Маладзечна
Вілейка +11° Вілейка
Смаргонь +11° Смаргонь
Ашмяны +11° Ашмяны
Валожын +11° Валожын
Мядзел +11° Мядзел
Астравец +11° Астравец
Грамадства
12.07.2017 14:47 ,AЎТАР(Ы): Галіна СУДНІКОВІЧ

“Ён такі ж класны, як і ў серыяле” – маладзечанцы выпадкова трапілі на здымкі серыяла “Сваты” ў Залессі (Фота)

Кадр з фільма

Кадр з фільма. Фота skaties.lv.

Маладзечанку Ірыну Грынкевіч і яе дачку Ксенію чакаў прыемны сюрпрыз, калі яны паехалі адпачыць у сядзібу Міхала Клеафаса Агінскага ў Залессе Смаргонскага раёна, –  сустрэча з героем любімага серыяла “Сваты” Фёдарам Дабранрававым.

– Выбраліся ў Залессе ў панядзелак, 12 ліпеня, разам з сяброўкай Вольгай і яе дачкой Лерай, – расказвае Ірына. – Вырашылі паказаць, як выглядае сядзіба, бо дзеці ніколі там не былі. Меркавалі, што ў гэты дзень не будзе шмат народу, таму спакойна будзем бавіць час.

Аднак не тут-та было. У гэты дзень якраз праходзілі здымкі сёмага сезона серыяла “Сваты”. Там дзеці і ўбачылі героя любімага серыялу – Фёдара Дабранравава. Думкі пра экскурсію адышлі на другі план – маленькіх прыхільнікаў было не адцягнуць ад здымак.

– Ніхто са здымачнай групы не быў супраць, каб мы паглядзелі, – дзеліцца ўражаннямі маладзечанка. – Спачатку думалі, што здымаюць гістарычную карціну, бо было шмат даўніх рэчаў, напрыклад, сукенкі, мэбля. На здымкі прывезлі сабак і коней. Аднак пасля дзеці высветлілі ў акцёра, што гэта працяг “Сватаў”.

Жанчына расказвае, што дачку проста не адарваць ад “Сватаў”, а вось яна ніколі не глядзела серыял, аднак пасля гэтай сустрэчы дакладна паглядзіць, што атрымаецца.

З Фёдарам Дабранрававым кампаніі ўдалося пагаварыць пасля здымак. З жанчынамі ён перакінуўся двума-трыма фразамі, а вось маленькім прыхільнікам удзяліў шмат часу, хаця і вельмі стаміўся. 

Фота Ірыны Грынкевіч.

Фота Ірыны Грынкевіч.

– Спачатку дзяўчаты расказалі, чым падабаецца акцёр, узгадалі любімыя моманты з серыялу, і пачалі распытваць, якую карціну здымаюць цяпер, – адзначае маладзечанка. – Сустрэчай і Ксенія, і  Лера засталіся больш чым задаволеныя. Сказалі, што акцёр такі ж класны, як і ў серыяле.

На развітанне акцёр пакінуў аўтограф.

Нагадаем, што здымкі серыяла таксама праходзяць у вёсцы Заброддзе на Вілейшчыне.

Фота Ірыны Грынкевіч.

Фота Ірыны Грынкевіч.

Фота Ірыны Грынкевіч.

Фота Ірыны Грынкевіч.

Фота Ірыны Грынкевіч.

Фота Ірыны Грынкевіч.

Фота Ірыны Грынкевіч.

Фота Ірыны Грынкевіч.

Абмеркаваць
Каментар (0) / Дадаць каментар
Дадаць каментар
Новае на сайце