Пошук па сайту
Мы ў сетках:
Маладзечна +15° Маладзечна
Вілейка +15° Вілейка
Смаргонь +15° Смаргонь
Ашмяны +15° Ашмяны
Валожын +15° Валожын
Мядзел +15° Мядзел
Астравец +15° Астравец
Культура
13.07.2017 11:50 ,AЎТАР(Ы): Паводле mdk.by

На фестывалі народнай творчасці ў Бабруйску маладзечанскія калектывы атрымалі дыпломы

Падчас фестывалю

Падчас фестывалю. Фота са старонкі Аляксандра Важніка.

Летась, калі Маладзечна перадавала эстафетуКультурнай сталіцы года” Бабруйску старшыня Маладзечанскага райвыканкама  Аляксандр Яхнавец адзначыў, што званне культурнай сталіцы Маладзечна перадае фармальна, насамрэч уся краіна ведае, што Маладзечна было, ёсць і будзе сапраўднай культурнай сталіцай.

Гэтыя словы маладзечанцы яшчэ раз пацвердзілі на 14-ым Міжнародным фестывалі народнай творчасці “Вянок сяброўства”, які доўжыўся ў Бабруйску ад 29 чэрвеня па 3 ліпеня. Творчыя калектывы з Маладзечна былі ўзнагароджаны дыпломамі.

Усяго ў фестывалі ўдзельнічаў 31 калектыў з 26 краін свету. Выступоўцы з Вялікабрытаніі, Венгрыі, Італіі, Нарвегіі, Чэхіі і Кіпра ўпершыню паўдзельнічалі ў фестывалі.

Асаблівасцю мерапрыемства з’яўляецца тое, што выступленні творчых калектываў не носяць конкурснага характару, увага надзяляецца мастацкай вартасці, як у рэпертуары адлюстраваныя нацыянальныя традыцыі пэўнай краіны. Форум накіраваны на развіццё і ўмацаванне міжнародных культурных сувязяў, папулярызацыю народнай творчасці і традыцый.

Сёлета фестываль быў прысвечаны двум падзеям: 630-годдзю горада і прысваенню Бабруйска статусу культурнай сталіцы 2017 года.

На конкурсе Беларусь прадставіў народны вакальны ансамбль “Менестрэлі” Палаца культуры Маладзечна. Ансамбль паўдзельнічаў ва ўрачыстым адкрыцці і закрыцці мерапрыемства, урачыстым тэатралізаваным шэсці па вуліцах горада, творчых сустрэчах, вечары сяброўства з прэзентацыяй нацыянальных пачастункаў, а таксама выступіў у рамках канцэрту на некалькіх фестывалях.

У Маладзечна ансамбль прыехаў з двума дыпломамі.

Фота са старонкі Аляксандра Важніка.

Фота са старонкі Аляксандра Важніка.

Фота са старонкі Аляксандра Важніка.

Фота са старонкі Аляксандра Важніка.

У рамках фестывалю прайшоў конкурс дэкаратыўна-прыкладнога мастацтва “Вянок, як сімвал фестывалю, – у падарунак фестывалю”. Удзельнікі конкурсу павінны былі прадставіць работы, якія найбольш ярка характарызуюць іх культуру і краіну. Аўтарамі беларускага вянку сталі мастачкі з Маладзечна Вольга Спірыдонава і Святлана Бялова. Маладзечанскі вянок адзначылі дыпломам.

Паводле mdk.by.

Абмеркаваць
Каментар (0) / Дадаць каментар
Дадаць каментар
Новае на сайце