Пошук па сайту
Мы ў сетках:
Маладзечна Маладзечна
Вілейка Вілейка
Смаргонь Смаргонь
Ашмяны Ашмяны
Валожын Валожын
Мядзел Мядзел
Астравец Астравец
Здарэнні
Ашмяны
5.09.2017 12:13 ,AЎТАР(Ы): "Наша ніва"

Вядомы краязнаўца Алесь Юркойць асуджаны па справе ашмянскіх мытнікаў

Алесь Юркойць

Алесь Юркойць. Фота Сяргея Гудзіліна.

5 верасня ў судзе Партызанскага раёна Мінска абвешчаныя чарговыя прысуды па справе ашмянскай мытні.

Краязнавец Алесь Юркойць асуджаны на 7 гадоў зняволення. Ён належаў да той групы з чатырох мытнікаў, якія не прызналі віны і даказвалі, што яны не бралі хабараў.

Фота Сяргея Гудзіліна.

Фота Сяргея Гудзіліна.

Былы галоўны інспектар з “Каменнага лога” Аляксандр Лапейка ў судзе прызнаў сваю віну часткова: пагадзіўся, што прапусціў 153 машыны з таварам і перадаваў грошы падначаленым. Суд прысудзіў яго да 5 год пазбаўлення волі.

Акрамя іх прысуды атрымалі Аляксандр Швінта (7 гадоў пазбаўлення волі), Сяргей Чэпін(5 гадоў пазбаўлення волі), Вадзім Казімірчук (5,5 гадоў пазбаўлення волі), Дзмітрый Курневіч (11,5 гадоў пазбаўлення волі), Віктар Страпко (5 гадоў пазбаўлення волі), Яўген Бабровіч (5 гадоў пазбаўлення волі), Генадзь Часнойць (5 гадоў пазбаўлення волі), Тадэвуш Высоцкі (7 гадоў пазбаўлення волі), Уладзімір Нагорскі (5 гадоў пазбаўлення волі). Большасць з іх да затрымання працавалі інспектарамі.

На працэс прыйшлі дзесяткі людзей. Прысутныя ледзь змяшчаліся ў залу пасяджэнняў, і сваякі абвінавачаных прапанавалі выгнаць прэсу: “Мы не жадаем бачыць тут СМІ”, “могуць і за дзвярыма застацца”.

Нагадаем, што справа распачалася вясной 2015 года. Былі затрыманыя некалькі дзясяткаў супрацоўнікаў пункта пропуску “Каменны Лог”. Інфармацыя аб справе была агучаная прэзідэнтам краіны на сустрэчы з кіраўніцтвам Мытнага камітэта. У дачыненні мытнікаў тады завялі 5 крымінальных спраў, а злачынная група, паводле версіі следства, налічвала 58 чалавек.

У падазраваных канфіскавалі больш за 2,2 мільёна долараў наяўнымі, г.зн. каля 40 тысяч долараў на чалавека.

Былы начальнік Ашмянскай мытні Іван Нівяркевіч быў асуджаны яшчэ ў снежні 2015 года. Ён атрымаў 7 гадоў – Нівяркевіча прызналі вінаватым у хабарніцтве ў асабліва буйным памеры. А ў сакавіку 2016 года прысуд змянілі, скасаваўшы адзін год.

Суды над астатнімі мытнікамі пачаліся ў лістападзе 2016 года, мытнікаў судзяць у розных судах. Справу групы з Алесем Юркойцем разглядаў суд Партызанскага раёна. Юркойць, у прыватнасці, абвінавачваўся ў атрыманні хабару 12,7 тысяч долараў. Сваю віну ён не прызнаваў.

Фота Сяргея Гудзіліна.

Фота Сяргея Гудзіліна.

Юркойць быў вядомы як грамадскі і культурны дзеяч, ён быў адным з рухавікоў беларускага нацыянальнага жыцця на Астравеччыне. Праводзіў мастацкі пленэр, курсы “Мова нанова”, паставіў помнік каліноўцам. Сябры ўпэўненыя: хто-хто, а Юркойць не мог браць на лапу. Ён апынуўся за кратамі па прынцыпе калектыўнай адказнасці, мяркуе шоумэн і паэт Усевалад Сцебурака, але ён не вінаваты і мусіць быць апраўданы.

Фота Сяргея Гудзіліна.

Фота Сяргея Гудзіліна.

8 жніўня быў вынесены прысуд 16 былым супрацоўнікам. Самае суровае пакаранне атрымаў былы мытнік, а пасля бізнэсмен Гарнік Сарумянц – 11,6 гадоў узмоцненага рэжыму з канфіскацыяй 1,8 мільёна долараў, знойдзеных пад ваннай у кватэры.

Аляксандр Гаральскі, экс-начальнік ПТА “Каменны Лог”, атрымаў 6 гадоў пазбаўлення волі. Віктар Фалевіч, экс-начальнік пунктаў “Каменны Лог”, “Гудагай” і “Катлоўка” – 7,7 года. Былы начальнік пункта мытнага афармлення “Каменны Лог” Ігар Высоцкі – 8 гадоў. Мытнікі Лапшэвіч, Горбаль, Карповіч, Ермалаеў прысуджаныя да 6 гадоў, Башлыкевіч — да 7,6 года, Попчанка — да 5 гадоў. Юрый Кавальчук і Ігар Бубноў, якія не прызналі віну, асуджаныя на 5 і 6 гадоў адпаведна. Букель атрымаў пяць гадоў хіміі. Літоўскаму бізнэсмену Тураеву далі штраф 2000 базавых (46 тыс. рублёў), ён выйшаў на волю.

Фота Сяргея Гудзіліна.

Фота Сяргея Гудзіліна.

29 жніўня быў вынесены прысуд яшчэ адной групе. 11 былых супрацоўнікаў ПП “Каменны Лог” прызналі вінаватымі па ч. 3 арт. 430 КК “Атрыманне хабару ў асабліва буйным памеры”.

Пяцярых абвінавачаных прысудзілі да 5 гадоў пазбаўлення волі, аднаго — да 5,5 года, яшчэ пяцярых — да шасці гадоў. Адбываць пакаранне яны будуць у калоніі ўзмоцненага рэжыму.

Фота Сяргея Гудзіліна.

Фота Сяргея Гудзіліна.

Трэба дадаць, што з 1 кастрычніка Ашмянская мытня спыніць існаванне. У тым ліку каб “ўвесь асабісты склад вынес вельмі сур'ёзныя ўрокі з шэрагу спраў”, заявіў раней старшыня ДМК Юры Сянько.

"Наша Ніва".

Абмеркаваць
Каментар (0) / Дадаць каментар
Дадаць каментар
Новае на сайце