Пошук па сайту
Мы ў сетках:
Маладзечна +16° Маладзечна
Вілейка +16° Вілейка
Смаргонь +17° Смаргонь
Ашмяны +17° Ашмяны
Валожын +17° Валожын
Мядзел +16° Мядзел
Астравец +17° Астравец
Грамадства
Валожын
12.09.2017 10:48 ,AЎТАР(Ы): Паводле Міжнароднага дабрачыннага фонду дапамогі дзецям “Шанец”

Дзякуючы акцыі “Дзеці замест кветак” на лячэнне Рамана Куніцкага сабралі 34 тысячы рублёў

Фота mel.fm.

Акцыя была прымеркаваная да Дня ведаў. Вучням прапаноўвалі замест кветак пайсці 1 верасня ў школу са спецыяльным сцяжком альбо намаляваць паштоўку з кветкамі. Грошы, якія не былі выдаткаваныя на кветкі, пералічыць на рахунак дабрачыннага фонду “Шанец”.

Сёлета збіралі на лячэнне сямігадовага Рамана Куніцкага з Глыбокага, у якога нейрабластома (злаякасная пухліна) правага наднырачніка.

Усяго падчас акцыі пералічылі 34 тысячы рублёў. Папярэднюю аплату на лячэнне хлопчыка ўжо накіравалі ў клініку.

Да акцыі далучыліся дзеці, іх бацькі, а таксама настаўнікі з 19 населеных пунктаў. Сярод іх Валожын, Маладзечна, пасёлак Чысць, Баранавічы, Бабруйск, Барысаў, Бараўляны, Віцебск, Гомель, Гродна, Жодзіна, Калодзішчы, Лебедзева, Кадзіна, Мінск, Наваполацк, Рэчыца, Слуцк і Салігорск.

– Прыемным сюрпрызам было тое, што ў акцыі ўдзельнічалі падапечныя фонду “Шанец”, – расказвае спецыяліст па сувязях з грамадскасцю Міжнароднага дабрачыннага фонду дапамогі дзецям “Шанец” Настасся Шацько. – Гэта дзеці, якім фонд некалі дапамагаў, а цяпер іх сем’і сталі нашымі дабрачынцамі і дапамагаюць іншым дзецям.

Усяго ўдзельнічалі ў акцыі 118 класаў з 72 устаноў адукацыі, а гэта 2622 вучні.

Пералічаныя ахвяраванні можна адсачыць на сайце дабрачыннага фонду ў раздзеле “Паступленні”.

Фонд “Шанец” дзякуе ўсім, хто далучыўся да акцыі, а таксама за цёплыя словы, якія ўдзельнікі напісалі ў адрас фонду, і шчырыя пажаданні хутчэйшага выздараўлення падапечным. 

Абмеркаваць
Каментар (0) / Дадаць каментар
Дадаць каментар
Новае на сайце