Пошук па сайту
Мы ў сетках:
Маладзечна -4° Маладзечна
Вілейка -4° Вілейка
Смаргонь -4° Смаргонь
Ашмяны -4° Ашмяны
Валожын -4° Валожын
Мядзел -3° Мядзел
Астравец -4° Астравец
14.02.2018 10:43

Музыка Твайго Сэрца. Вы раней і не ведалі, як гэтыя 20 песен звязаныя з Павіллем

Фота mts.by.

Сучасны рускі рок і музыка шчырых беларусаў, неўміручая класіка ды хіты маладосці нашых бацькоў. Што аб’ядноўвае гэтую розную па эпохах і накірунках музыку?

Адказ просты – Павілле. Не верыце? Тады запрашаем вас у музычнае падарожжа па рэгіёне.

Маладзечна

Маладзечна… Сярэдзіна 1970-х. Са сталіцы на завочнае аддзяленне мясцовага музвучылішча прыязджае даўгавалосы малады чалавек. Ён – ужо артыст ансамбля “Верасы”.

А праз пару год пра спевака Аляксандра Ціхановіча даведаецца ўся рэспубліка. Хаця што там рэспубліка? Краіны ўсяго былога СССР.

Запытайце ў сваіх бацькоў, магчыма, яны запальвалі на дыскатэках 1980-ых пад “Малінаўку”? А пазнаёміліся пад “Завіруху" або “Первое свидание”.

Валожын

Больш маладое пакаленне знаёміцца пад іншыя рытмы. “Ты дарила мне розы. Розы пахли полынью…”. “Начныя снайперы” загучалі на мяжы 1990-х і 2000-ых. Пачалі з піцерскіх бараў і паступова занялі пазіцыі на расійскіх радыёстанцыях. Хочаце спытаць, пры чым тут Павілле?

Салістка групы Дыяна Арбеніна нарадзілася ў сям’і журналістаў у Валожыне, дзе правяла першыя гады жыцця.

Таму калі вы ў чарговы раз пачуеце “Катастрофически тебя не хватает” або “31 весна”, можаце паказаць, які вы разумны рэплікай “О! Дык яна ж наша, валожынская!”

Вілейка

Рухаемся па рэгіёне далей. Вілейка. Памятаеце мажнага бялявага саліста ў “Песнярах”?

Гэта Валеры Скаражонак, што нарадзіўся ў Вілейцы ў 1961 годзе. Магчыма, без яго аксамітнага голасу “Ясь, што косіць канюшыну” і “Алеся” былі б не тыя.

Пакуль у вашым плээры гучыць песняроўскае “Няма таго, што раньш было…”, вяртаемся на Маладзечаншчыну, у фальварак Ракуцёўшчына.

Пару дзясяткаў кіламетраў – і мы на зямлі, што натхняла Максіма Багдановіча – аўтара слоў самотнай “Веранікі”.

Астравец

Цяпер гайда – на Гарадзеншчыну. І калі вы не прыхільнік эстрады, запрашаем у Гервяты на Астравеччыну.

Толькі тут, у знакамітым касцёле, вы пачуеце сапраўдную арганную музыку.

Смаргонь

Час прыпыніць нашае музычнае падарожжа. А прыпынім мы яго на Смаргоншчыне. І зробім гэта дастойна – візітоўкай не толькі Павілля, а мелодыяй, што натхняе творцаў усяго свету.

Гэта паланэз ля-мінор “Развітанне з радзімай”, напісаны Міхалам Клеафасам Агінскім, дыпламатам і кампазітарам, які ў пачатку 19 стагоддзя жыў і ствараў у смаргонскім Залессі.

Усе вышэй пазначаныя трэкі вы можаце паслухаць па спасылцы: music.mts.by.

УНП 800013732.

Абмеркаваць
Каментар (0) / Дадаць каментар
Дадаць каментар
Новае на сайце